Usı jıldıń 12-sentyabr kúni Taxtakópir rayonı «Atakól» awıl puqaralar jıyınında Qaraqalpaqstan Respublikası Ádillik ministrligi tárepinen kóshpeli qabıllaw ótkerildi.

Kóshpeli qabıllawǵa rayon hákimi J.Adilov, Qaraqalpaqstan Respublikası Ádillik ministri E.Tursunov, rayonlıq sektor baslıqları, tiyisli mekeme hám kárxana basshıları qatnastı. Kóshpeli qabıllawda «Atakól» awıl puqaralar jıyını turǵınların búgingi kúnde qıynap kiyatırǵan máseleler, ushırasıp atırǵan mashqalaları boyınsha pikir hám usınısları tıńlandı.

Sonıń menen birge aymaq turǵınlarına kóshpeli túrde mámleketlik xızmetler kórsetildi. Atap aytqanda puqaralarǵa kóshpeli túrde elketron sanlı imza klyuchlerin alıp beriw, ata-analar mektepke shekemgi bilimlendiriw bólimine balaların jaylastırıw boyınsha kóshpeli mámleketlik xızmetler kórsetildi.

Sonday-aq, ushırasıw qatnasıwshılarına búgingi kúnde jańadan kabıl etilip atırǵan Nızamlar, normativ-huqıqıy hújjetler mazmun-mánisi haqqında hukıqıy túsinikler berildi.

Taxtakópir rayonı hákimliginiń málimleme xızmeti