Búgingi kúnde Taxtakópir rayonı Mádeniyat bólimine qaraslı Mádeniyat oraylarında onnan aslam túrli jónelistegi dógerek hám jámátler xalqımız, ásirese, jaslarımızdıń bos waqıtların kewilli hám mazmunlı ótkeriw maqsetinde xızmet kórsetip kelmekte. Olardıń biri «Miyras» jámááti.

Taxtakópir rayonı «Qaraoy» awıl puqaralar jıyını aymaǵında jaylasqan 10-sanlı ulıwma bilim beriw mektebi aldında Taxtakópir rayonı Mádeniyat bólimine qaraslı «Miyras» folklor-etnogafiyalıq xalıq jámáátiniń 2023-jıljıldıń 9 ayı dawamında alıp barǵan jumısları boyınsha xalqımızǵa esap beriw koncert baǵdarlaması bolıp ótti.

Koncert baǵdarlaması jámáát aǵzalarınıń atqarıwındaǵı xalıq qosıq hám milliy oyınları menen kóterińki ruxta ótkerildi.

Maǵlıwmat ornında: Jámáát 2002-jılı háwesker jámáát esabında shólkemlestirilip, 2020-jıl «Miyras» folklor-etnografiyalıq xalıq jámááti ataǵın alıwǵa miyassar boldı. Búgingi kúnde jigirmadan aslam talantlı insanlar bul jámáátke aǵzalıqqa qabıllanıp, rayon hám respublika kóleminde ótkerilip atırǵan tańlaw, festival hám basqa da mádeniy ilajlarǵa belsene qatınasıp kelmekte.

Jámáát 2018-jıl Nawayı wálayatında ótkerilgen «Nurli navolar», 2019 hám 2021-jılları Toshkent qalasında ótkerilgen «Anam aytqan háyyiwler», al 2022-jılı bolsa Surxandárya wálayatında ótkerilgen «Baysın báhári» xalqaralıq festivallarınıń jeńimpazı.

Taxtakópir rayonı hákimliginiń málimleme xızmeti