Búgin Taxtakópir rayonı hákimliginiń májilisler zalında Xalıq deputatları Taxtakópir rayonlıq Keńesiniń gezektegi 69-sessiyası bolıp ótti.

Sessiyaǵa sektor baslıkları, rayon hákiminiń tiyisli orınbasarları, rayonlıq Keńestiń deputatları, puqaralar jıyını baslıqları, ózin-ózi basqarıw uyımları hám mákeme, shólkem basshıları qatnastı.

Sessiyanı Taxtakópir rayonı hákimi – Xalıq deputatları rayonlıq Keńesi baslıǵı J.Adilov alıp baradı.

Sessiya kún tártibine muwapıq:

– Ózbekstan Respublikası Prezidentiniń Taxtakópir rayonındaǵı Xalıq qabıllawxanasınıń «Máhállelerde isbilermenlikti rawajlandırıw, xalıqtıń bántligin támiyinlew hám kámbaǵallıqtı qısqartıw boyınsha 2023-jıl 1-sentyabrge shekemgi kelip túsip atırǵan múrájatlardı analiz etken halda, hákim járdemshileri iskerliginiń nátiyjeliligi haqqında»ǵı málimlemesi;

– Taxtakópir rayonı shańaraq hám hayal-qızlar bólimi tárepinen 2023-jıldıń 8 ayı dawamında ámelge asırılǵan jumısları boyınsha esabatı;

– Taxtakópir rayonı aymaǵınan «Hayallar dápteri»niń 4-basqıshına kirgizilgen hayallarǵa materiallıq járdem ajıratıw;

– Taxtakópir rayonı hákiminiń qurılıs, kommunikaciyalar, kommunal xojalıǵı, ekologiya hám kóklemzarlastırıw máseleleri boyınsha orınbasarı R;Bekbergenovtıń «Rayon aymaǵındaǵı Referendum ótkerilgen uchastka imaratların ońlaw jumıslarına tartılǵan kesip alıp islewshi qurılıs shólkemlerin hám joybarlawshı kárxanalardı tender ótkermesten tastıyıqlaw haqqında»ǵı usınısı;

– Taxtakópir rayonında investiciya joybarlarınıń orınlanıwı, tuwrıdan-tuwrı shet el investiciyaları hám eksport kólemin asırıw boyınsha rayonlıq investiciyalar hám sırtqı sawda bólimi tárepinen ámelge asırılǵan jumısları;

– Taxtakópir rayonlıq «Saqawat hám kómek» qorınan qarjı ajıratıw;

– Taxtakópir rayonı aymaǵında «Temir dápteri» boyınsha ámelge asırılıp atırǵan jumısları hám de «Temir dápteri»nen shıǵarılatuǵın shańaraqlardıń dizimin tastıyıqlaw;

– Taxtakópir rayonı jergilikli byudjetiniń 2023-jıl ӀӀ sherekte yaǵnıy yarım jıllıqta orınlanıwı hám jergilikli byudjetiniń 2023-jıldıń ӀӀ sheregine belgilengen dáramatlar rejesiniń artıq orınlanǵan bólegi esabınan ajıratılatuǵın qarjılar;

– Ózbekstan Respublikası Prezidentiniń 2021-jıl 13-aprel kúngi «Byudjet processinde puqaralardıń belsendi qatnasıwın támiyinlew boyınsha qosımsha is-ilajlar haqqında»ǵı PQ-5072-sanlı qararına tiykarlanıp Taxtakópir rayonı boyınsha 2023-jıl 2-máwsiminde jeńimpaz bolǵan jámáátshilik pikiri tiykarında qáliplesken usınıslardı qarjılandırıw;

– 2023-jıldıń 8 ayı dawamında Taxtakópir rayonı aymaǵında jınayatshılıqqa qarsı gúresiw, jámiyetlik tártipti saqlaw hám puqaralardıń qáwipsizligin támiyinlewde alıp barılǵan jumısları;

– Ózbekstan Respublikası Prezidentiniń 2022-jıl 25-apreldegi «2022-2026-jıllarda analıq hám balalıqtı qorǵawdı kúsheyttiriw haqqında»ǵı PQ-216-sanlı qararı tiykarında Taxtakópir rayonı Medicina birlespesi tárepinen ámelge asırılǵan jumısları;

– Taxtakópir rayonı Mektepke shekemgi hám mektep bilimlendiriw bólimi tárepinen jańa 2023-2024-oqıw jılına tayarlıq jumıslarınıń barısı;

– Taxtakópir rayonlıq Sanitariya-epidemiologiyalıq tınıshlıq hám jámiyet salamatlıǵı bólimi tárepinen xalıqtıń sanitariya-epidemiologiyalıq tınıshlıǵın támiyinlew boyınsha alıp barılıp atırǵan jumısları;

– 2023-2024-jıllar gúz-qıs máwsiminde Taxtakópir rayonı xalıqın hám de sociallıq taraw obyektlerin elektr energiyası menen úzliksiz támiyinlew hám avariyalıq jaǵdaylardıń aldın alıw boyınsha ámelge asırılǵan jumısları;

– 2023-2024-jıllar gúz-qıs máwsiminde Taxtakópir rayonı xalıqın hám de sociallıq taraw obyektlerin tábiyiy gaz benen úzliksiz támiyinlew hám avariyalıq jaǵdaylardıń aldın alıw boyınsha ámelge asırılǵan jumısları;

– Taxtakópir rayonı hákimligi jer fondı esabında turǵan jer maydanlarınan diyqan xojalıǵın shólkemlestiriw hám awıl xojalıǵı kárxanalarına jer maydanların ajıratıw ushın ashıq elektron tańlawǵa shıǵarıw boyınsha usınılǵan joybarlardı tastıyıqlaw;

– Xalıq deputatları Taxtakópir rayonlıq Keńesi deputatlarınıń Ádep-ikramlılıq qaǵıydaların tastıyıqlaw haqqındaǵı máseleleri qarap shıǵıldı.

Sessiya kún tártibindegi máseleler boyınsha deputatlar tárepinen tiyisli sheshimler qabıl etilip, aldaǵı rejeler belgilep alındı.

Taxtakópir rayonı hákimliginiń málimleme xızmeti