Búgin, Taxtakópir rayonı «Ózbekstan» mákan puqaralar jıyını aymaǵındaǵı «Iskender-taxta» fermer xojalıǵında dala shetlerine gúz aylarında tut, júzim hám miyweli nállerdi egiwdi shólkemleskenlik penen alıp barıw hám dala shetine egilgen maydanlarda agrotexnika ilajların óz waqıtında sapalı alıp barılıwı boyınsha kórgizbeli seminar bolıp ótti.

Seminarǵa rayon hákimi J.Adilov, Ózbekstan Respublikası Awıl xojalıǵı Ministriniń birinshi orınbasarı B.Toǵaev,  Ózbekstan Respublikası awıl-xojalıǵı pánleri doktorı,  professor Z.Ziyadullaev,  sektor basshıları,  awıl xojalıǵına tiyisli mákeme,  kárxana hám fermer xojalıqları baslıqları qatnastı.



Seminarda,  Ozbekstan Respublikası Prezidentiniń «Awıl xojalıǵı kárxanaları dala shetlerindegi jer maydanlarında ónim jetistiriw sistemasın jetilistiriw ilajları haqqında»ǵı PQ-121-sanlı qararınıń mazmun-mánisi hám de maqset hám wazıypaların keńnen túsindirip ótti. Sonıń menen bir qatarda, keshiktirip bolmaytuǵın múddet ishinde egilgen ǵálle maydanlardı azıqlandırıw boyınsha kórsetpeler berildi.

Taxtakópir rayonı hákimliginiń málimleme xızmeti