Búgin Taxtakópir rayonı hákimliginiń májilisler zalında Xalıq deputatları Taxtakópir rayonlıq Keńesiniń gezektegi 70-sessiyası bolıp ótti.

Sessiyaǵa rayon hákiminiń tiyisli orınbasarları, rayonlıq Keńestiń deputatları, puqaralar jıyını baslıqları, hákim járdemshileri, ózin-ózi basqarıw uyımları hám mákeme, shólkem basshıları qatnastı.

Sessiya kún tártibine muwapıq:
– Ózbekstan Respublikası Prezidentiniń Taxtakópir rayonındaǵı Xalıq qabıllawxanasınıń 2023-jıldıń 9 ayı dawamında fizikalıq hám yuridikalıq shaxslardan kelip túsken múrájatlardı hám sektorlar tárepinen alıp barılıp atırǵan jumıslardı hám de mashqalalardı hár tárepleme talıqlaw;
– Ózbekstan Respublikası Prezidentiniń Taxtakópir rayonındaǵı Xalıq qabıllawxanasınıń «Máhállelerde isbilermenlikti rawajlandırıw, xalıqtıń bántligin támiyinlew hám kámbaǵallıqtı qısqartıw boyınsha 2023-jıl 1-oktyabrge shekemgi kelip túsip atırǵan múrájatlardı analiz etken halda, hákim járdemshileri iskerliginiń nátiyjeliligi haqqında»ǵı málimlemesi;
– Taxtakópir rayonı aymaǵınan «Hayallar dápteri»niń 4-basqıshına kirgizilgen sociallıq qorǵawǵa mútáj hayallarǵa materiallıq járdem ajıratıw;

– Taxtakópir rayonlıq «Saqawat hám kómek» qorınan qarjı ajıratıw;


– Taxtakópir rayonı Ádillik bólimi tárepinen 2023-jıldıń III shereginde mámleketlik uyımlar hám shólkemlerdiń norma dóretiwshiligi jumısları hám de huqıqtı qollanıw ámeliyatınıń awhalı boyınsha bólim baslıǵınıń málimlemesi;

– «Mámleketlik til haqqında»ǵı nızam hújjetleriniń orınlanıwındaǵı mashqalalar hám nátiyjelilikti támiyinlew baǵdarında alıp barılıp atırǵan jumısları;

– Taxtakópir rayonı Ishki isler bólimi baslıǵı orınbasarınıń «2023-jıldıń 9 ayı dawamında rayon aymaǵında jınayatshılıqqa qarsı gúresiw, jámiyetlik tártipti saqlaw hám puqaralardıń qáwipsizligin támiyinlewde alıp barılǵan jumısları haqqında»ǵı esabatı;


– Taxtakópir rayonı Medicina birlespesi tárepinen xalıqqa medicinalıq járdem kórsetiw hám medicinalıq xızmet sapasın jaqsılaw boyınsha 2023-jıldıń 9 ayı dawamında ámelge asırılǵan jumısları;
– Xalıq deputatları Taxtakópir rayonlıq Keńesiniń 2023-jıl 21-sentyabr kúngi «Ózbekstan Respublikası Prezidentiniń 2021-jıl 13-aprel kúngi «Byudjet processinde puqaralardıń belsendi qatnasıwın támiyinlew boyınsha qosımsha is-ilájlar haqqında»ǵı PQ-5072-sanlı qararına tiykarlanıp Taxtakópir rayonı boyınsha 2023-jıl 2-máwsiminde jeńimpaz bolǵan jámáátshilik pikiri tiykarında qáliplesken usınıslardı qarjılandırıw haqqında»ǵı VI-69-140-13-189-K/23-sanlı sheshiminiń qosımshasına ózgeris kirgiziw haqqındaǵı máseleleri qarap shıǵıldı.

Sessiya kún tártibindegi máseleler boyınsha deputatlar tárepinen tiyisli sheshimler qabıl etilip, aldaǵı rejeler belgilep alındı.

Taxtakópir rayonı hákimliginiń málimleme xızmeti