Ózbekstan Respublikası Prezidentiniń 2020-jıl 4-noyabr kúngi «Gúres milliy sport túrin rawajlandırıw hám onıń xalıqaralıq abıroyın jánede asırıw is-ilajları haqqında»ǵı  PQ-4881-sanlı qararında belgilengen wazıypalardıń orınlanıwın támiyinlew maqsetinde Taxtakópir rayonı Sport mektebinde sporttıń gúres túrinen sheberlik sabaǵı (master klass) shınıǵıwları shólkemlestirildi.
Sheberlik sabaǵına Ózbekstan Kurash federaciyası Qaraqalpaqstan Respublikası bólimi,  Kurash boyınsha xalıqara dárejedegi tóreshi Nókisbay Daniyarov,  Kurash boyınsha Ózbekstan chempionı Berik Jusipbekov,  Kurash boyınsha Universiada oyınları hám 2022-jıl Qaraqalpaqstan Respublikası zúráát bayramı jeńimpazı Zahriddin Zaytov hám Sport mektebi direktorı B.Jarımbetov,  direktor orınbasarları A.Jienbaev,  A.Seydullaev,  instruktor-metodistleri Q.Seytmuratov,  K.Jańabaev,  Trener-oqıtıwshıları hám sportshı jaslar qatnastı.



Bolıp ótken sheberlik sabaǵında Kurash boyınsha xalıqara dárejedegi tóreshi Nókisbay Daniyarov sportshı jaslar menen óz sáwbetinde kurash sportındaǵı tazadan engizilgen nızamlar hám qaǵıydalar menen tanıstırdı hám tóreshilik sırların úyretti. Ol sportshılar menen 2023-jıl Xuanjow qalasında ótkerilgen Aziya oyınlarında tóreshilik etkenligin aytıp,  bolıp ótken jarıs haqqında sáwbetlesti.



Kurash boyınsha Ózbekstan chempionı Berik Jusipbekov sportshılar menen ushrasıwda kurash sportınıń bir neshe usılların úyretip ámelde kórsetip berdi. Oqıwshı sportshılar ózleri qızıqtırǵan sorawlarǵa juwaplar aldı hám aldaǵı bolıp ótetuǵıń sport jarıslarında jeńimpaz bolıwlarında tileklesligin bildirdi.

Тахтакөпир районы ҳәкимлигиниң мәлимлеме хызмети