«Insanǵa itibar hám sapalı bilimlendiriw jılı»nda Taxtakópir rayonı Mádeniyat bólimi hám bólimge qaraslı mádeniyat orayları, háwesker xalıq jámáátleriniń 2023-jıl toǵız ayı dawamında alıp barǵan jumıslarınıń juwmaǵı hám de aldaǵı wazıypalar boyınsha gezektegi Keńes májilisi bolıp ótti.



Búgingi kúnde mámleketimizde barlıq tarawlarda úlken reformalar, ózgerisler hám de jańalanıwlar júritilip atırǵan bir dáwirde, Húrmetli Prezidentimiz tárepinen mádeniyat hám kórkem-óner tarawındaǵı reformalar, anıq maqset hám wazıypalardı ózinde jámlegen Párman hám Qararlar, baǵdarlamalar turmısımızda áhmiyetli orın alıp, tarawımızdıń rawajlanıwın jańa basqıshlarǵa kóteriwine xızmet etpekte.



Kún tártibine kiritilgen máseleler boyınsha 26-sanlı mádeniyat orayı, 29-sanlı Turan mádeniyat orayı, «Shamurat Ótemuratov» atındaǵı xalıq teatrı, sonday aq Dógerek hám jámáát jumısların shólkemlestiriw boyınsha qánigesiniń esabatlar tıńlandı. Oraylar hám jámáátlerdiń xızmetin jánede bekkemlew, dógerek jumısların rawajlandırıw boyınsha usınıs hám pikirler bildirildi.


Keńes quramı tárepinen bul oraylar hám de jámáátler tárepinen búgingi kúndegi ámelge asırılıp atırǵan jumıslarına sın kóz benen qaray otırıp, rayon xalqına mádeniy xızmet kórsetiw sıpatın asırıw boyınsha wazıylar, aldaǵı sheshim talap etetuǵın máseleler boyınsha qarar qabıl etti.


Maǵlıwmat ornında, bólimge qaraslı barlıq mádeniyat oraylarında jaslarımızdıń qızıǵıwshılıǵınan kelip shıqqan halda, teatr, milliy kosık, estrada, baqsılar, rubabshılar, sazendelik, súwretlew óneri hám taǵı basqa da jónelislerdegi jámi 18 dógerek (188), 4 háwesker Xalıq jámáátleri (101), 3 háwesker jámáátleri (64), 1 jaslar teatr studiyası (7), 1 hawaz jazıw studiyası hám de 1 dóretiwshi jaslar klubı (130) xızmet kórsetip atırǵan bolsa, olarǵa 490 háweskerlerimiz aǵzalıqqa qabıl etilgen bolıp, olar ózleri qızıqqan jónelisleri boyınsha tálim-tarbiya alıp turaqlı túrde qatnasıp kelmekte.

Taxtakópir rayonı hákimliginiń málimleme xızmeti