Usı jıldıń 26-oktyabr kúni Respublika Ruwxıylıq hám aǵartıw orayı Taxtakópir rayonı bólimi baslaması menen rayonlıq Mádeniyat orayında «Watan rawajlanıwına meniń úlesim» atamasındaǵı Respublikalıq tańlawınıń rayonlıq basqıshı bolıp ótti.



Tańlaw qatnasıwshıların Taxtakópir rayonlıq Mektepke shekemgi mektep bilimlendiriw bólimi, rayonlıq Mádeniyat bólimi hám 17-sanlı Balalar muzıka hám kórkem-óner mektebiiniń tájiriybeli qánigeleri tarepinen ádil bahalap bardı.

Tańlaw 3 jóneliste ótkerilip, birinshi «Ádebiyat» jónelisi, ekinshi «Súwretlew óneri» jónelisi, úshinshi «Milliy estrada» jónelislerinde qatnasıwshılar ózleriniń qábiletlerin kórsetip ótti.



Tańlaw juwmaǵında «Ádebiyat» jónelisi boyınsha N.Rambergenova, «Súwretlew óneri» jónelisinde A.Sarsenbaev, «Milliy estrada» jɵnelisinde R.Sultanovalar 1-orındı qolǵa kirgizip, Qaraqalpaqstan Respublikası basqıshına jollama aldı. Tańlaw jeńimpazları Ruwxıylıq hám aǵartıw orayı Taxtakópir rayonı bólimi tárepinen húrmet jarlıǵı hám estelik sawǵaları menen sıylıqlandı.

Taxtakópir rayonı hákimliginiń málimleme xızmeti