Бүгин Тахтакөпир районы ҳәкимлигиниң мәжилислер залында ҳаял-қызлардың сиясий белсендилигин асырыў, олардың бәнтлигин тәмийинлеў, шаңарақ қәдириятларын беккемлеў, ҳаял-қызларды қоллап-қуўатлаў бағдарындағы жумыслардың нәтийжелилигине ерисиўде 2023-жыл даўамында белсендилик көрсеткен мәҳәллелердеги ҳаял-қызлар белсендилери ҳәм улыўма билим бериў мектеплериниң психологлары, Тахтакөпир районы ҳәкимлигиниң Шаңарақ ҳәм ҳаял-қызлар бөлими тәрепинен хошаметленип, оларға ҳүрмет жарлығы ҳәм саўғалар тапсырылды.

Атап айтқанда, ҳаял-қызларды қоллап-қуўатлаўда тийисли мәмлекет сиясатының  нәтийжели орынланыўын тәмийинлеў, олардың ҳуқықлары ҳәм нызамлы мәплерин қорғаў ҳәм де ҳаял-қызлардың социаллық-сиясий турмысындағы ролин асырыў бойынша ўазыйпаларды атқарыўдағы белсендилиги ушын   «Ең жуўапкершиликли ҳаял-қызлар белсендиси» номинациясы менен  «Маржанкөл» АПЖ ҳаял-қызлар белсендиси Лепесова Анипа Төребековна, «Ең әҳмийетли нәтийжели көрсеткишке ерискен белсенди» номинациясы менен «А.Адилов» АПЖ ҳаял-қызлар белсендиси Бахбергенова Камшат Шохановна, «Ең пидайы ҳаял-қызлар белсендиси» номинациясы менен «Атакөл» АПЖ ҳаял-қызлар белсендиси Омарова Латипа Сайлаўбаевна«Шаңарақ татыўлығын беккемлеўде пидайылық көрсеткен» белсенди номинациясы менен «Қаратерең» МПЖ ҳаял-қызлар белсендиси  Абдимуратова Тамара Атамуратовналар сыйлықланды.

Ҳаял-қызлардың сиясий белсендилигин асырыў, мәҳәллелердеги ҳаял-қызлар белсендилериниң жумысларын муўапықластырыў, сондай-ақ,  ҳаял-қызлар балансын  қәлиплестирип, электрон  платформа менен ислесиўде, бөлим алдына қойылған ҳәм өзине жүклетилген ўазыйпаларды атқарыўдағы белсендилиги ушын Эргашова Индира Аббасовнаға миннетдаршылық билдирилди.

Сондай-ақ, Шаңарақ ҳәм ҳаял-қызлардың мәселелери бойынша аўыр социаллық  жағдайға, руўхый түскинликке түсип қалған шаңарақлар ҳәм ҳаял-қызларға социаллық-ҳуқықый, психологиялық жәрдем көрсетип, ҳаял-қызлар белсендилериниң жумысларының жақсы натийжелерге ерисилиўине қоскан улеси ушын 1-санлы мектеп психологи Турдыбаева Гулнара Кеўлимжаевна, 3-санлы мектеп психологи Садуллаева Шийрин Мамбетуллаевна, 8-санлы мектеп психологи Қурбанбекова Қырмызы Елдесовналар район ҳәкимлигиниң ҳүрмет жарлығы ҳәм саўғалары менен сыйлықланды.

Тахтакөпир районы ҳәкимлигиниң мәлимлеме хызмети