Qaraqalpaqstan Respublikası Joqarǵı Keńesiniń 2024-jıl 3-fevral kúngi «Ruwxıy-aǵartıwshılıq jumıslarınıń nátiyjeliligin arttırıw boyınsha ámelge asırılatuǵın baslı wazıypalar haqqında»ǵı 9-sanlı bayanlamasına tiykar, búgin Taxtakópir rayonı kásip-óner mektebinde úgit-násiyat jumısları alıp barıldı.

Onda Qaraqalpaqstan Respublikası Joqarǵı Keńesiniń deputatı B.Aytekov hám Respublika Ruwxıylıq hám aǵartıw orayı Taxtakópir rayonlıq bólimi baslıǵı N.Azbergenov sonday-aq, rayonlıq Ishki isler bóliminen leytenant R.Bazarbaev hám Jınayat qıdırıw bólimi operativ aǵa inspektorı A.Qayrullaevlar qatnasıp, jámiyette sociallıq-ruwxıy ortalıq turaqlılıǵın támiyinlew, milletler aralıq tatıwlıqtı bekkemlew hám elimizde ámelge asırılıp atırǵan keń kólemli reformalardıń barısı, sociallıq-ekonomikalıq jaqtan rawajlandırıw boyınsha qabıl etilip atırǵan Párman hám qararlardıń mazmun – mánisi boyınsha keń túsinikler berildi.

Taxtakópir rayonı hákimliginiń málimleme xızmeti