Ózbekstan Respublikası Prezidentiniń «Qánigelestirilgen mektepler tarmaǵın keńeytiw hám olardıń jumısın bunnan bılay da jetilistiriw ilajları haqqında»ǵı 2024-jıl 1-apreldegi PP-55-sanlı pármanında belgilengen wazıypalardıń orınlanıwın támiyinlew hám 2024-2025-oqıw jılınan baslap Qánigelestirilgen bilimlendiriw mákemeleri agentligi sistemasındaǵı mekteplerde Ilimler akademiyası akademikleriniń qatnasıwında sabaq ótiw ámeliyatın jolǵa qoyıw belgilep berilgen.

Usı tiykarda 15-oktyabr kúni Berdaq atındaǵı Qaraqalpaq mámleketlik universiteti rektorı, texnika ilimeriniń doktorı, akademik A.Reymov Taxtakópir rayonı qánigelestirilgen mektepte bolıp, ol jerde mektep oqıwshıları menen sáwbetlesti. Sáwbetlesiw dawamında akademik A.Reymov mektep oqıwshılarına mámleketimizde jaslarǵa jaratılǵan imkaniyatlar haqqında aytıp ótti.


Ol jaslarǵa bilimlendiriw, ilimiy izleniwler hám dóretiwshiliktiń rawajlanıwı ushın kóplegen baǵdarlamalar hám joybarlar ámelge asırılıp atırǵanı, ilim hám texnologiya tarawındaǵı jetiskenliklerge erisiw jolında mámleket tárepinen keńnen qollap –quwatlawlar bar ekenligin atap ótti.


Oqıwshılarda ózlerin qızıqtırǵan sorawlar menen múrájat etip, ilimge bolǵan qızıǵıwshılıqların jáne de tereńlestirdi.

Sonıń menen bir qatarda akademik A.Reymov, mektepte oqıwshılardıń bilim alıwı, olardıń bos waqıtların mazmunlı ótkeriwde jaratılǵan imkaniyatları hám sabaq ótiw processleri menen jaqınnan tanıstı. Sonday-aq, mekteptiń belsendi oqıwshılarına kitaplar sawǵa etildi.


Taxtakópir rayonı hákimliginiń málimleme xızmeti