Taxtakópir rayonı Sport mektebinde óspirim jaslardıń sport penen túraqlı shuǵıllanıp barıwı ushın jaratılǵan sharayatlar menen tanısıw maqsetinde jergilikli ǵalaba xabar qurallarınıń wákilleri hám tiyisli taraw basshıları  qatnasıwında media-tur shólkemlestirildi.



Media-tur qatnasıwshıları dáslep Sport mektebi imaratında bolıp, sport zalında kórkem gimnastika hám dzyudo sport túri boyınsha trenerlerdiń jas sportshılardı shuǵıllandırıw barısı menen tanıstı hám mekteptiń oqıw isleri boyınsha direktor orınbasarı A.Seydullaev tárepinen sport mektebi haqqında dáslepki maǵlıwmatlarǵa iye boldı.

Taxtakópir rayonı Sport mektebinde imaratlar sanı jámi 8 di quraydı. Sonnan, 1 sport zal, 2 futbol stadionı, 1 tennis kort, 2 workount hám 2 stritbol maydanshası bar bolıp, sport túrlerine qarap 50 den aslam trenerler tárepinen jas sportshılardı shınıqtırıp kelmekte.

Búgingi kúnde Sport mektebi imaratında 2024-jıldıń 1-máwsimi menen «Baslamalı byudjet» joybarı sheńberinde qurılıs-ońlaw jumısların ámelge asırıw boyınsha usınısı jeńimpaz bolıp, bul joybardı ámelge asırıw ushın 1 mlrd. 139,6 mln.sum qarjı ajıratılǵan. Sonday-aq, qurılıs-ońlaw jumısları «Ernazar Sistem Stroy» juwapkershiligi sheklengen jámiyeti tárepinen alıp barılmaqta.


Házirde bul orında qosımsha imarat qurıw, tóbesin shiferlaw, ishki hám sırtqı qurılıs jumısları ámelge asırılmaqta.

Taxtakópir rayonı hákimliginiń málimleme xızmeti