Múrájаt-itibarsız qalmaydı

Ózbekstan Respublikası Prezidentiniń 2018-jıl 21-noyabrdegi PQ-4024-sanlı qararına muwapıq yuridikalıq hám fizikalıq táreplerdiń pochta baylanısı, telekommunikaciyalar hám de elektron mámleketlik xızmetlerin kórsetiw máseleleri boyınsha múrájetlerin nızam hújjetleri tiykarında kórip shıǵıw, Málimlemelestiriw hám telekommunikaciyalar tarawında qadaǵalaw inspekciyasınıń (“Wzkomnazorat” inspekciyası) tiykarǵı wazıypalarınıń biri etip belgilengen.

“Xalıq mámleketlik organǵa emes, al mámleketlik organ xalıqqa xızmet kórsetiwi kerek” degen baslama tiykarında “Uzkomnazorat” inspekciyası Qaraqalpaqstan Respublikası aymaqlıq bólimi tárepinende bir qatar ámeliy jumıslar alıp barılmaqta.

Atap aytqanda, 2024 jıldıń ótken toǵız ayı dawamında Respublikamız aymaqlarında ótkerilgen kóshpeli qabıllawlar dawamında tutınıwshılar tárepinen kelip túsken 45 múrájetten 41 múrájet unamlı sheshilip, qalǵan 4 múrájet iyelerine huquqıy túsinikler berildi.

Sonday aq “Uzkomnazorat” inspekciyası tárepinen tarawdaǵı kemshiliklerdiń aldın alıw maqsetinde shólkemlestirilgen “1144” qısqa nomerli “Isenim telefonı” arqalı jergilikli telefon baylanıs xızmeti boyınsha 18 múrájet, internet xızmeti boyınsha 260 múrájet, mobil baylanıs xızmeti boyınsha 113 múrájet, pochta baylanıs xızmeti boyınsha 3 múrájet, teleradioesittiriw xızmetleri boyınsha 3 múrájet hámde baska maseler boyınsha 3 múrájet jámi 400 dana múrájetler kelip tusken. Kelip túsken múrájetlerden 367 múrájet tutınıwshılardıń paydasına unamlı sheshilip qalǵan 31 múrájet iyelerine huquqıy túsinikler berilgen hámde 2 múrájet tiyisli wákillik organlarına jiberilgen.

Húrmetli tutınıwshılar! Sizde baylanıs tarawında kórsetilip atırǵan xızmetler boyınsha mashqalalar payda bolsa yamasa usı tarawdaǵı ózlerińizdi qızıqtırǵan máseleler boyınsha “1144” qısqa nomerli isenim telefonı arqalı yamasa aymaqlıq bólimniń ózine tikkeley múrájet etiw múmkinshligine iye ekenińizdi bildiremiz.

“Uzkomnazorat” inspekciyası Qaraqalpaqstan Respublikası aymaqlıq bólimi bas qániygesi

Allambergenov Mawlen Qudaybergenovich