Ózbekstan Respublikası Konstituciyasınıń 6-bólimi 154-statyasına muwapıq, Ózbekstan Respublikasınıń Konstituciyasına ózgeris hám qosımshalar tiyislisinshe Ózbekstan Respublikası Oliy Majlisiniń Nızamshılıq palatası deputatları hám Senatı aǵzaları ulıwma sanınıń keminde úshten eki bóleginen ibarat kópshiligi tárepinen qabıl etilgen konstituciyalıq nızam yamasa Ózbekstan Respublikasınıń referendumı menen kirgiziledi.
Usı Konstituciyanıń 1-statyası hám usı statya ekinshi bóliminiń qaǵıydaları qayta kórip shıǵılıwı múmkin emes.
Ózbekstan Respublikasınıń Konstituciyasına ózgeris hám qosımshalar kirgiziw haqqındaǵı konstituciyalıq nızamda onıń normaların, sonday-aq Konstituciyanıń normaların qollanıwdıń ózine tán ózgeshelikleri názerde tutılıwı múmkin.
Konstituciyanıń 155-statyasına tiykar, Ózbekstan Respublikası Oliy Majlisi tiyisli usınıs kirgizilgennen keyin altı ay dawamında Konstituciyaǵa ózgeris hám qosımshalar kirgiziw haqqında keń hám hár tárepleme dodalawdı esapqa alǵan halda konstituciyalıq nızam qabıl etiliwi múmkin.
Eger Ózbekstan Respublikası Oliy Majlisi Konstituciyanı ózgertiw haqqındaǵı usınıstı qaytarsa, usınıs bir jıl ótkennen keyin ǵana qayta kirgiziliwi múmkin.

F.Ibragimov
Qaraqalpaqstan Respublikası jınayat isleri boyınsha Taxtakópir rayon sudınıń baslıǵı