Taxtakópir rayonlıq Sanitariya-epidemiologiyalıq tınıshlıq hám jámiyet salamatlıǵı bóliminde korrupciyaǵa qarsı gúresiw boyınsha ushırasıw bolıp ótti.

Ushırasıwda rayonlıq Ádillik bólimi yuridik xızmet kórsetiw orayı bas yurist konsultantları Janibek Pirnazarov tárepinen korrupciyanıń jámiyet hám mámleket rawajlanıwına keri tásirleri hám de korrupcion huqıqbuzarlıqlar hám jınayatlar ushın belgilengen juwapkershilikler haqqında aytıp ótti.

Bunnan tısqarı taraw xızmetkerleri tárepinen korrupciyaǵa qarsı gúresiw baǵdarında jańadan qabıl etilgen nızamshılıq hújjetleriniń mazmunı hám olardıń áhmiyeti boyınsha túsindiriw jumısları alıp barıldı.

Taxtakópir rayonı hákimliginiń málimleme xızmeti