Búgin Taxtakópir rayonı hákimliginiń májilisler zalında Xalıq deputatları Taxtakópir rayonlıq Keńesiniń gezektegi úshinshi sessiyası bolıp ótti.

Sessiya jumısına siyasiy partiyalar, rayondaǵı mákeme, kárxana, shólkem basshıları, puqaralar jıyınları baslıqları hám jergilikli ǵalaba xabar quralları wákilleri qatnastı.
Sessiyanı Xalıq deputatları Taxtakópir rayonlıq Keńesi baslıǵınıń orınbasarı T.Jusipov alıp bardı.
Sessiya kún tártibine muwapıq:
– Suw resursların nátiyjeli basqarıw, suwdı únemleytuǵın texnologiyalardı engiziw;


– Taxtakópir rayonlıq Abadanlastırıw basqarması tárepinen rayon aymaǵında ámelge asırılǵan jumısları boyınsha esabatı;

– Taxtakópir rayonlıq Elektr támiyinlewshi kárxanasınıń 2024-jıl dawamında ámelge asırılǵan jumısları;


– “Hududgaz Qoraqalpogiston” gaz támiynatı filialı “Taxtakupirtumangaz” gaz támiynatı bólimi tárepinen 2024-jıl dawamıda ámelge asırılǵan jumıslar boyınsha esabatı;

– Xalıq deputatları Taxtakópir rayonı Keńesiniń Sekretariatı haqqındaǵı Rejeni tastıyıqlaw haqqındaǵı máseleler kórip shıǵıldı.

Sessiya kún tártibindegi máseleler boyınsha deputatlar ózleriniń pikir hám usınısların bildirdi. Soń kórilgen máseleler boyınsha Xalıq deputatları Taxtakópir rayonlıq Keńesi tárepinen tiyisli sheshimler qabıl etildi.
Taxtakópir rayonı hákimliginiń málimleme xızmeti