Prezidentimizdiń basshılıǵında 2019-jılı 19-mart kúni «Jaslar menen islesiwdi nátiyjeli shólkemlestiriwde mádeniyat, kórkem óner, sport, málimleme texnologiyaları, kitap oqıwǵa qızıǵıwshılıqtı arttırıw boyınsha 5 áhmiyetli baslamanı ámelge asırıw haqqında» ótkerilgen videoselektor májilisinde jaslardı rawajlandırıwǵa qaratılǵan máseleler dodalanıp, tarawlarǵa tiyisli 5 áhmiyetli baslama alǵa qoyılǵan edi.

Usı bes áhmiyetli baslama olimpiadası tiykarında Taxtakópir rayonı Mádeniyat bólimi tárepinen shólkemlestirilgen «Ájayıp maydan» intellektual oyını hár jılı rayon kóleminde mákeme, kárxana, shólkem hám oqıw orınlarında keń túrde ótkeriw dástúrge aylanıp úlgerdi.

Bul intellektual oyınınıń náwbettegi sanında 2023-2024-oqıw jılı dawamında Taxtakópir rayonı Mektepke shekemgi hám mektep bilimlendiriw bólimine qaraslı ulıwma orta bilim beriw mekteplerinde ótkerilgen oyınlardıń jeńimpazları óz-ara bellesti.


«Ájayıp maydan» intellektual oyını juwmaǵında 1-sanlı mektep okıwshısı Utkelbaev Nurtas sıylı 1-orın, 6-sanlı mekteptiń oqıwshısı Tawjanova Sarbinaz 2-orın, al 14-sanlı mektep oqıwshısı Alawatdinova Dinara  3-orın jeńimpazı boldı.


Jeńimpazlarǵa hám ilaj qatnasıwshılarına Mádeniyat bólimi tárepinen tayarlanǵan bayram sawǵaları tapsırıldı hám yoshlı koncert baǵdarlaması jıynalǵanlar názerine etildi.