Taxtakópir rayonı hákimliginiń májilisler zalında Ulıwma orta bilim beriw mekteplerinde ámelge asırılǵan jumıslardı úyreniw nátiyjelerin talqılaw máselelerine arnalǵan májilis bolıp ótti.

Onda rayon hákiminiń orınbasarı Sh.Bekturǵanov, rayonlıq Mektepke shekemgi hám mektep bilimlendiriw bólimi baslıǵı B.Qurbanazarov, tiyisli taraw wákilleri hám rayondaǵı ulıwma orta bilim beriw mektep direktorları qatnastı.

Májiliste tiykarınan, Ózbekstan Respublikası Mektepke shekemgi hám mektep bilimlendiriw ministrliginiń 2024-jıl 7-avgust kúngi 246-sanlı buyrıǵına tiykar shólkemlestirilgen Kásiplik rawajlandırıw kúni hám Kásiplik rawajlandırıw saatlarınıń barısı, «Jańa bahalaw sisteması»nıń áhmiyeti, oqıwshılardı kásipke baǵdarlaw, oqıwshılar hám oqıtıwshılardıń bilim dárejesin arttırıw, joqarı oqıw orınlarına kiriw kórsetkishleri hám basqa da máseleler sın kóz qarasta qarap shıǵıldı.

Taxtakópir rayonı hákimliginiń málimleme xızmeti