Taxtakɵpir rayonlıq shańaraq hám hayal-qızlar bólimi tárepinen 2024-jıl dawamında alıp barılǵan jumıslar xám kelesi 2025-jılda alda turǵan áhmiyetli wazıypalar tiykarında qabıl etilgen is-rejeler xaqqında esabat jıynalısı bolıp ótti.


Jıynalısqa rayon hákiminiń birinshi orınbasarı B.Allamuratov, rayon hákiminiń orınbasarı, Shańaraq hám hayal-qızlar bólimi baslıǵı G.Seytnazarova, birge islesiwshi shɵlkem wákilleri, «Órnekli hayallar» hám úgit-násiyat toparı aǵzaları qatnastı.


Esabatta tiykarınan, rayon hákiminiń orınbasarı, Shańaraq hám hayal-qızlar bólimi baslıǵı G.Seytnazarova tárepinen jıl juwmaǵı boyınsha hayal-qızlarǵa berilip atırǵan itibar hám imkaniyatlar haqqında, Shańaraq hám hayal-qızlar bóliminiń 2024-jıl juwmaǵına shekem ámelge asırılǵan jumısları hám 2025-jılda ámelge asırılıwı rejelestirilgen jumıslar boyınsha maǵlıwmatları tıńlandı.
Sonday-aq, Húrmetli Prezidentimiz tárepinen mámleketimizde hayal-qızlar tarawında qabıl etilgen Párman hám qararlardıń orınlanıwı menen birgelikte jámiyette hayal-qızlardı hár tárepleme qollap-quwatlaw, kásip-ɵnerge oqıtıw hám bántligin támiynlew, hayallar isbilermenligin rawajlandırıw, nızamlı máplerin qorǵaw, sociallıq járdemler kɵrsetiw, shańaraqlardıń bekkemligin támiynlew hám hár túrli unamsız illetlerden qorǵaw boyınsha alıp barılıwı tiyis wazıypalar belgilep alındı.

Bunnan soń, jıl dawamında Shańaraq hám hayal-qızlar bólimi menen jámáátshilik baslama tiykarında birge islesip nátiyjeli jumıslar alıp barǵan rayonlıq «Úgit-násiyat toparı» baslıǵı G.Turdıbaeva, «Órnekli hayallar toparı» baslıǵı A.Qabılbekova, «Kempir apalar mektebi toparı» baslıǵı X.Baymurzaeva, sonday-aq, hayal-qızlardıń bántligin támiyinlew, isbilermenlikke baǵdarlaw, analıqtı hám balalıqtı qorǵaw, huqıqbuzarlıq hám jınayatshılıqtıń aldın alıw boyınsha birge islesip atırǵan tiyisli juwapkerlerge minnetdarshılıq bildirilip, sawǵalar tapsırıldı.





Taxtakópir rayonı hákimliginiń málimleme xızmeti