Metodikalıq sheberlik saatı sheńberinde seminar shólkemlestirildi

Ózbekstan Respublikası Prezidentiniń 2024-jıl 30-sentyabrdegi «Mektepke shekemgi bilimlendiriwdiń sapasın hám nátiyjeliligin jánede asırıw boyınsha qosımsha is-ilajlar haqqında»ǵı PP-152-sanlı Pármanına tiykar, Taxtakópir rayonındaǵı 3-sanlı Mektepke shekemgi bilimlendiriw shólkeminde Metodikalıq sheberlik saatı sheńberinde seminar ótkerildi.

Seminar dawamında 3-sanlı shólkem metodisti, trener G.Tóremuratova tárepinen tayanısh shólkemge biriktirilgen 16 mámleketlik shólkemniń jetekshi pedagoglarına óz tájiriybelerin hám bilimlerin úyretip bardı.

Bul seminardı ótkeriwden maqset, pedagoglarımızdıń jáhán tájiriybelerinen úlgi alıp, zamanagóy tálim beriwdiń jańa formaların engiziw hám mektepke shekemgi bilimlendiriw tarawınıń jańa basqıshlarǵa shıǵıw bolıp tabıladı.