Taxtakópir rayonındaǵı 6-sanlı mektepte Respublikalıq seminar shólkemlestirildi

Ózbekstan Respublikası Prezidentiniń 2024-jıl 2-fevraldaǵı «Ulıwma orta bilim beriw mákemeleri oqıwshıların shet tili hám zamanagóy kásiplerge oqıtıw boyınsha qosımsha is-ilajlar haqqında»ǵı PQ-53-sanlı qararına muwapıq 2024-2025-oqıw jılınan baslap kásip-ónerge oqıtıwdıń jańa sisteması engizildi.

Usı tiykarda, rayondaǵı 6-sanlı mektepte «Kásiplik bilimlendiriwdi rawajlandırıw» atamasında Respublikalıq seminar ótkerilip, oǵan qala hám rayonlardaǵı psixolog metodistler, kásip-ónerge baǵdarlaw boyınsha tańlap alınǵan mekteplerdiń psixologları, IT baǵdarındaǵı hám de tigiwshilik boyınsha kásiplik bilimlendiriw ustaları qatnastı.

Seminar dawamında qatnasıwshılar mekteptegi oqıwshılarǵa jaratılǵan sharayatlar, kásip-ónerge qızıǵıwshı jaslardıń qol ónerleri menen tanısıp, ózleriniń pikir usınısların bildirdi.