Ózbekstan Respublikası Shańaraq hám hayal-qızlar komiteti bólim baslıǵı G.Umarov, Taxtakópir rayonında bolıp, rayon hákiminiń orınbasarı, shańaraq hám hayal-qızlar bólimi baslıǵı G.Seytnazarova menen birgelikte rayon aymaǵındaǵı máhállelerde shańaraq hám hayal-qızlar bólimi hám hayal-qızlar belsendileri tárepinen 2024-jılda ámelge asırılǵan jumısları hám 2025-jıl ushın belgilep alınǵan rejelerı menen tanıstı.

Sonday-aq, rayonda dúzilgen shtab aǵzaları hám máhálle jetiligi, juwapker mákeme hám shólkem xızmetkerleri menen ushırasıp, Ózbekstan Respublikasi Ministrler Kabinetiniń 2022-jıl 31-mart kúngi 145-sanlı qararı boyınsha hám usı qararǵa ózgeris kiritiw boyınsha Ózbekstan Respublikası Ministrler Kabinetiniń 2024-jıl 10-dekabr kúni «Ózbekstan Respublikası Shańaraq hám hayal-qızlar komiteti jumısı hámde «Hayallar dápteri» menen islesiw sistemasın jetilistiriwi múnásibeti menen Ózbekstan Respublikası Húkimetiniń ayırım qararlarına ózgeris hám qosımshalar kiritiw haqqında»ǵı 833-sanlı qararı haqqında 2025-jıl 6-basqısh «Hayallar dápteri»n shólkemlestiriw boyınsha keń túrde túsinik berip ótti.

Ushırasıw dawamında 6-basqısh «Hayallar dápteri»ne kiritiletuǵın mútáj hayal-qızlardı anıqlaw hám de olarǵa kiritilgen jónelisleri boyınsha belgilengen tártipte ámeliy járdemler kórsetiw boyınsha tiyisli rejeler belgilep alındı.

Taxtakópir rayonı hákimliginiń málimleme xızmeti