Búgin Taxtakópir rayonı hákimligi májilisler zalında máhállelerde hayal-qızlardıń mashqalaların úyreniw hám «Hayallar dápteri»niń 6-basqıshın sapalı shólkemlestiriw boyınsha «Máhálle jetiligi» aldında turǵan tiykarǵı wazıypalar atamasında seminar bolıp ótti.

Seminarǵa Qaraqalpaqstan Respublikası Ministrler Keńesi baslıǵı orınbasarı, Shańaraq hám hayal-qızlar komiteti baslıǵı Axmedova Maryam Xalilaevna Ózbekstan Respublikası kásiplik awqamları Federaciyasınan Qaraqalpaqstan Respublikasına «Hayallar dápteri» boyınsha biriktirilgen wákil Sultanov Bahadır, rayon xákimi Jambul Adilov, rayon xákiminiń tiyisli orınbasarları hám «Máhálle jetiligi» qatnastı.

Bunda tiykarınan Ózbekstan Respublikası Ministrler Kabinetiniń 2024-jıl 10-dekabrdegi 833-sanlı qararı hám Qaraqalpaqstan Respublikası Ministrler Kenesiniń 2024-jıl 23-dekabrdegi arnawlı bayanlamasında belgilep berilgen wazıypalardı orınlaw, sonday-aq, rayon aymaǵındaǵı máhállelerde hayal-qızlardıń mashqalaların úyreniw hám “Hayallar dápteri”niń 6-basqıshın sapalı shólkemlestiriw boyınsha isleniwi tiyis wazıypalar haqqında sóz etildi.

Taxtakópir rayonı hákimliginiń málimleme xızmeti