Adam sawdası putkul dunya mamleketleriniń baslı problemalarınıń biri esaplanadı. Adam sawdasınıń qurbanlarınıń derlik basım kopshiligin hayal qızlar ham balalar quraydı. Mamleketimizde adam sawdasına qarsı guresiw menen baylanıslı bir qansha isler amelge asırılıp kelinbekte.

Atap aytqanda, «Adam sawdasına qarsı guresiw haqqında» ǵı Ozbekstan Respublikasınıń Nızamı ham basqada normativ huqıqıy hujjetler qabıl etilgen. Sonday-aq, 2003 jıl Ozbekstan BMSh nıń 1949 jıl 2 dekabrdegi «Adamlar sawdası ham jınısıy buzıqshılıqtı ushinshi shaxslar tarepinen isletiliwine qarsı guresiw haqqında» ǵı Konvenciyasına qosıldı, 2008 jılda bolsa adamlar, sonıń ishinde hayal-qızlar ham balalar sawdasınıń aldın alıw ham bul qılmıs ushın jazalaw haqqındaǵı, BMShniń transmilliy birlesken jınayatlarǵa qarsı guresiw haqqındaǵı Protakolı ratifikaciya qılındı ham sonıń menen adamlar sawdası boyınsha ken jamietshilikke maǵlıwmat beriw, qurbanlarǵa jardemler beriw sonday-aq huqıq qorǵaw uyımlarınıń jumısların elede jedellestiriwge qaratılǵan dasturlerdi qollap quwatlaw ham ótkeziw arqalı aldın alıw majburiyatları alındı.

Adam sawdası jınayatı óte qawipli ham insan qadirin kemsitiwshi turi esaplanadı. Onıń kemsitiwshi tarepi sonnan ibarat yaǵnıy, bul jınayat qullıqqa uqsas bolıp keledi ham insanlardı tovar korinisinde satıw jolı menen daramat tabıw menen baylanıslı boladı. Kopshilik jaǵdaylarda bala sawdası hamde hayal qızlardan jınısıy buzıqshılıq maqsetlerinde paydalanıwda óz korinisin tabadı.

2024 jıl sentyabr ayında jınayat isleri boyınsha Ellikqala rayon sudında korip tamamlanǵan jınayat kodeksiniń 135-statyası tiyisli bolimleri menen ayıplanǵan sudlanıwshı E.Z. ham basqalardıń qarsısındaǵı jınayat isi mısalında koriwimizge boladı. Atap aytqanda, sudlanıwshılar E.Z. ham basqalar jabirleniwshi Sh.K.nı Tayland mamleketine jiberip onnan ushinshi shaxslar menen jınısıy qatnasqa tusiriw jolı arqalı materiallıq baylıq arttırıwdı maqset qılıp Sh.K nıń plastik kartasına Tashkent-Bangkok jonelisine aviabilet pulların taslap berip onı usı mamleketke E.Z.nıń jınayıy sherigi I.X. jardeminde alıp baratırǵanında I.Karimov atındaǵı

Tashkent xalqaralıq aeroportında huqıq qorǵaw uyımı wakilleri tarepinen irkiwge alınǵan.

Bul puqaralarǵa sud tarepinen jınayat kodeksiniń 135-statyası tiyisli bolimleri menen jaza sharası qollanıldı.

Joqarıdaǵı jaǵdaylardan korinip turǵanınday adam sawdası jınayatınıń kopshilik bolegi aldaw jolı menen amelge asırıladı. Solay eken, puqaralardıń bul baǵdardaǵı huqıqıy bilimlerin elede jetilistiriw hamde bul illet penen qarsı guresiwde huqıq qorǵaw organları menen birge barlıq mekeme, sholkemler birge islesiwleri, sonday-aq, keleshegimiz bolǵan jaslarımızdıń ertengi keleshegi ushın zarur sharayatlar jaratıwda belsendi qatnasıwımız lazım.

Maulenov Orazbay Jumabaevich
Jınayat isleri boyınsha Taxtakópir rayon sudıń baslıǵı