Búgin Taxtakópir rayonındaǵı 6-sanlı mektepte Respublika ruwxıylıq hám aǵartıw orayı tárepinen baspadan shıǵarılǵan «Mende ásker bolaman» atamasındaǵı kitabın tanıstırıw ilajı bolıp ótti.

Ilajǵa rayon hákiminiń orınbasarı Sh.Bekturǵanov, rayonlıq Qorǵanıw isleri bólimi baslıǵı, podpolkovnik J.Sultonov, Respublika Ruwxıylıq hám aǵartıw orayı rayonlıq bólimi baslıǵı N.Azbergenov, sonday-aq, Din isleri boyınsha komitetiniń rayonlıq bas qánigesi I.Abdijamilovlar qatnastı.

Ótkerilgen ilajda sózge shıqqanlar «Mende ásker bolaman» kitabınıń mazmun mánisi haqqında tolıq maǵlıwmatlar berip ótti. Kitap márt áskerlerdiń ómirine hám ásker bolıw niyetinde júrgen jaslarǵa arnalǵanı menen áhmiyetli.

Bul kitap watansúyiwshilik, watanǵa sadıqlıq penen xızmet etiw, óz táǵdirin jurt táǵdiri menen baylanıstırıw sıyaqlı ideyalarǵa tiykarlanǵanlıǵı hár bir oqıwshını Watandı súyiwge, oǵan xızmet etiwge shaqırarı sózsiz.

Ilaj dawamında oqıwshı-jaslar ózleriniń qızıqtırǵan sorawlarına juwap aldı.

Taxtakópir rayonı hákimliginiń málimleme xızmeti