Saturday, July 12, 2025

Соңғы жаңалықлар

«Biz basım hám zorlıqqa qarsımız!» súreni astında ushırasıw ótkerildi


Búgin Taxtakópir rayonı hákimligi, Shańaraq hám hayal-qızlar bólimi tárepinen «Ózbekstan» MPJ aymaǵındaǵı 11-sanlı ulıwma orta bilim beriw mektebinde «Biz basım hám zorlıqqa qarsımız!» súreni astında máhállelerdegi hayal-qızlar menen ushırasıw ótkerildi.

Ilajǵa Respublikadan biriktirilgen arnawlı isshi topar wákili Baxtiyor Saidkosimov, «Órnekli hayallar» toparı baslıǵı A.Qabılbekova, Rayonlıq IIB hayal-qızlar máseleleri boyınsha aǵa inspektorı, kapitan B.Baxieva hám Din isleri boyınsha komitetiniń rayonlıq bas qánigesi I.Abdijamilovlar qatnastı.

Ushırasıw barısında hayal-qızlardıń shańaraqta, jámiyette tutqan ornı hám olardıń nızam menen qorǵalatuǵın huqıq hám erkinlikleri haqqında maǵlıwmatlar berildi. Sonday-aq, shańaraqta ushırasıwı múmkin bolǵan basım hám zorlıq túrleri, huqıqbuzarlıqlar menen jınayatshılıqtıń kelip shıǵıw sebepleri, oǵan imkan jaratıwshı tárepleri mısallar menen keń túrde sóz etildi.

Bunnan soń, Mádeniyat bólimi xızmetkerleri hám mektep oqıwshıları tárepinen shańaraqtaǵı zorlıq-zombılıqtıń kelip shıǵıwı boyınsha saxnalıq kórinisler jıynalǵanlar názerine usınıldı.

Taxtakópir rayonı hákimliginiń málimleme xızmeti

Skip to content