Búgin Taxtakópir rayonlıq Mádeniyat orayında jaslar menen sáwbetlesiw, olardıń pikir hám usınısların tıńlaw, olardı hár tárepleme qollap-quwatlaw maqsetinde «Basshı hám jaslar» ushırasıwı ótkerildi.

Ushırasıwǵa rayon hákiminiń orınbasarı Sh.Bekturǵanov, Jaslar isleri agentligi oraylıq apparatınıń jetekshi qánigesi Sh.Qayumov, rayonlıq Ádillik bólimi baslıǵı R.Tajibaev, Jaslar isleri agentligi rayonlıq bólimi baslıǵı A.Nizamatdinov hám sport, mádeniyat, kórkem-óner, isbilermenlik hám basqa da tarawlarda jetiskenliklerge erisip kiyatırǵan, sonday-aq, jámlespegen jaslar qatnastı.

Ilajda sózge shıǵıp sóylewshiler tárepinen, búgingi kúnde elimizde jaslarǵa qaratılıp atırǵan ayrıqsha itibar, olardı qollap-quwatlaw, talant hám uqıplılıǵın júzege shıǵarıw mámleketlik siyasat dárejesine kóterilgenligin, sonday-aq, hár bir jastıń mashqalaların sheshiw jolında bar imkaniyatlar jumsalıp atırǵanlıǵın ayırıqsha atap ótti.

Ilaj dawamında jaslar da ózleriniń mashqala hám usınısları menen bólisip, qızıqtırǵan sorawlarına juwaplar aldı.
Sonday-aq, taraw basshıları tárepinen anıqlanǵan barlıq mashqala, kemshiliklerdi sheshiwdiń zárúr ilajları hám olardı ámelge asırıw múddetleri belgilep alındı.

Taxtakópir rayonı hákimliginiń málimleme xızmeti