Búgin Taxtakópir rayonı hákimliginiń májilisler zalında Xalıq deputatları Taxtakópir rayonlıq Keńesiniń gezektegi altınshı sessiyası bolıp ótti.


Sessiya jumısına sektor baslıqları, hákim orınbasarları, siyasiy partiyalar, rayondaǵı mákeme, kárxana, shólkem basshıları, puqaralar jıyınları baslıqları hám jergilikli ǵalaba xabar quralları wákilleri qatnastı.

Sessiyanı Taxtakópir rayonı hákimi – Xalıq deputatları rayonlıq Keńesi baslıǵı J.Adilov alıp bardı.
Sessiya kún tártibine muwapıq tómendegi máseleler qarap shıǵıldı.
1. Sektor baslıqlarınıń aymaqta xalıqtıń turmıs dárejesi hám jasaw sharayatın jaqsılaw, kámbaǵallıqtı qısqartıw, sektorlarda mútájligi bolǵan shańaraqlardı qollap-quwatlaw, xalıqtıń bántligin támiyinlew, isbilermenlerdi qıynap kiyatırǵan mashqalalardı sheshiw baǵdarında hámde aymaqlarda “Temir dápter”, “Hayallar dápteri”, “Jaslar dápteri” tiykarında 2024-jıl dawamında ámelge asırılǵan jumısları haqqında.

2. Xalıq deputatları Taxtakópir rayonlıq Keńesinıń hám turaqlı komissiyalarınıń 2025-jıldıń I yarım jıllıǵına mólsherlengen is-rejelerin tastıyıqlaw haqqında.


3. Qaraqalpaqstan Respublikası Joqarǵı Keńesi Baslıǵınıń 2025-jıl 3-yanvar kúngi 81/7-B-sanlı “B.D.Allamuratovtı Taxtakópir rayonı hákiminiń finans-ekonomika hám kámbaǵallıqtı qısqartıw máseleleri boyınsha birinshi orınbasarı – ekonomika hám finans bólimi baslıǵı lawazımına tayınlaw tuwralı” biyligin tastıyıqlaw haqqında.

4. Qaraqalpaqstan Respublikası Joqarǵı Keńesi Baslıǵınıń 2025-jıl 3-yanvar kúngi 81/19-B-sanlı “S.B.Dosbergenovtı Taxtakópir rayonı hákiminiń awıl hám suw xojalıǵı máseleleri boyınsha orınbasarı – awıl xojalıǵı bólimi baslıǵı lawazımına tayınlaw haqqında”ǵı biyligin tastıyıqlaw haqqında.


5. Xalıq deputatları Taxtakópir rayonlıq Keńesi janındaǵı “Xalıqparvar” komissiyası quramına ózgeris kiritiw haqqında.

6. Xalıq deputatları Taxtakópir rayonlıq Keńesi deputatlarınıń 2025-jıl I sheregi dawamında alıp barǵan jumısları haqqında óz okruglerinde saylawshılarǵa esabat beriw rejesin tastıyıqlaw haqqında.

7. Jaslardı hár tárepleme qollap-quwatlaw, olardıń Senat hám Xalıq deputatları jergilikli Keńesleri menen birge islesiwdi jolǵa qoyıw maqsetinde Xalıq deputatları Taxtakópir rayonlıq Keńesinde Jaslar parlamenti wákiller mektebin shólkemlestiriw haqqında.
8. Xalıq deputatları Taxtakópir rayonlıq Keńesinde is júritiw boyınsha kórsetpeni tastıyıqlaw haqqında.
9. Ózbekstan Respublikası Oliy Majlisi Senatining 2024-jıl 29-noyabrdegi “Kámbaǵallıqtı kemeytiw boyınsha belgilengen áhmiyetli wazıypalardıń orınlanıwın qadaǵalaw is-ilajları tuwrısında”ǵı KQ-6-V-sanlı Qararınıń orınlanıwın támiyinlew maqsetinde, Xalıq deputatları Taxtakópir rayonı Keńesi janındaǵı Kámbaǵallıqtı kemeytiw menen baylanıslı máseleler boyınsha komissiya Nızamı hám komissiya quramın tastıyıqlaw haqqında.
10. 2025-jılda Taxtakópir rayonın kompleks social-ekonomikalıq rawajlandırıw dástúrin tastıyıqlaw haqqında.

11. 2024-jıl dawamında Taxtakópir rayonında kámbaǵallıqtı qısqarttırıw hám sociallıq-ekonomikalıq rawajlandırıw boyınsha mánzilli baǵdarlamasınıń orınlanıwı haqqındaǵı máseleler kórip shıǵıldı.

Sessiya kún tártibindegi máseleler boyınsha deputatlar ózleriniń pikir hám usınısların bildirdi. Soń kórilgen máseleler boyınsha Xalıq deputatları Taxtakópir rayonlıq Keńesi tárepinen tiyisli sheshimler qabıl etildi.

Taxtakópir rayonı hákimliginiń málimleme xızmeti