Awıl xojalıǵına mólsherlenbegen jer uchastkaların menshiklestiriw haqqında 728-sanlı Ózbekstan Respublikası Nızamı qabıl etilgen.

Usı nızamnıń 12-statyasında Menshiklestirilmeytuǵın jer uchastkaları kórsetip ótilgen.

Bular:
Paydalı qazılma kánleri jaylasqan jer uchastkaları;

Tábiyattı qorǵaw, salamatlastırıw, rekreaciya maqsetleri hám tariyxıy-mádeniy maqsetler ushın arnalǵan jerler quramına kiretuǵın jer uchastkaları;

Nızamshılıqqa muwapıq menshiklestirilmeytuǵın mámleketlik múlk obektleri jaylasqan jer uchastkaları;

Qala qurılısı jumısın ámelge asırıw ushın nızamshılıqta sheklewler belgilengen aymaqlardan paydalanıw zonalarında jaylasqan jer uchastkaları;

Qáwipli zatlar menen zıyanlanǵan hám biogen záhárleniwge ushıraǵan jer uchastkaları;

Kóp kvartiralı turaq jaylar jaylasqan, sonday-aq, kóp kvartiralı turaq jaylarǵa tutas jer uchastkaları;

Mámleketlik-jeke sheriklik joybarların, sociallıq sheriklik haqqındaǵı kelisim hám shártnamalardı ámelge asırıw ushın berilgen, sonday-aq, yuridikalıq táreplerge jámiyetlik mútájlikler ushın berilgen jer uchastkaları kórsetip ótilgen.

Sonıń menen birge 14-statyasında jer uchastkaların menshiklestiriw usıllarına:

Menshiklestiriw subektleri tárepinen ózine turaqlı paydalanıw (iyelik qılıw), ijara yamasa miyras etip qaldırılatuǵın ómirlik iyelik qılıw huqıqı tiykarında tiyisli bolǵan jer uchastkaların satıp alıw;

Jer uchastkaların elektron onlayn-aukcion arqalı satıp alıw arqalı ámelge asırılıw belgilep ótilgen.

«Elektron onlayn-aukcionlardı shólkemlestiriw»
AJ Qaraqalpaqstan Respublikası aymaqlıq wákili

R.Esimbetov