Búgin Taxtakópir rayonı hákiminiń orınbasarı, Shańaraq hám hayal-qızlar bólimi baslıǵı G.Seytnazarova “Qaraoy” APJ aymaǵında bolıp, jergilikli deputat A.Pirjanova, rayonlıq IIB hayal-qızlar máseleleri boyınsha aǵa inspektorı, kapitan B.Baxieva hám «Órnekli hayallar» toparı baslıǵı K.Baymurzaevalar menen birgelikte usı aymaqta jasawshı, rayonımızda uzaq jıllar dawamında hár túrli tarawlarda pidayı miynet etken hám búgingi kúnde húrmetli dem alıstaǵı nuranıy analardan xabar aldı.

Rayon hákiminiń orınbasarı G.Seytnazarova olar menen jaqınnan sáwbette bolıp, nuranıylar hámiyshe mámleketimizdiń dıqqat-itibarında bolatuǵınlıǵın bildirdi. Olar kórsetilip atırǵan bunday itibar hám ǵamqorlıq ushın tereń minnetdarshılıq bildirip, elimiz tınıshlıǵı hám paraxatshılıǵın tilep aq pátiyasın berdi.