Húrmetli Prezidentimizdiń Qaraqalpaqstan Respublikasın sociallıq-ekonomikalıq rawajlandırıw jolındaǵı qarar hám pármanları tiykarında agrar tarawǵa bir qansha jańa texnika hám texnologiyalardıń engiziliwi nátiyjesinde taraw jańa rawajlanıw basqıshına kóterilmekte.

Taxtakópir rayonında shólkemlestirilgen seminarda, awıl xojalıǵın bunnan bılay da rawajlandırıw boyınsha ámelge asırılıp atırǵan usı reformalardıń mazmun-mánisi atap ótildi.

Seminarǵa, Respublikamızdan biriktirilgen wákiller, tarawǵa baylanıslı qánigeler menen fermerler qatnastı.

Seminarda 2025-jıl ónimi ushın awıl xojalıǵı ónimleri egiletuǵın egislik maydanlardı shúdigarlaw, lazerli tegislew, shor juwıw, ǵálle tárbiyası, kanallardı betonlaw hám báhárgi egiske texnikalardı sazlaw sıyaqlı máseleler orın aldı.

Seminarda, búgingi kúnde agrar tarawdıń rawajlanıwında jańa imkaniyatlar jaratılıp atırǵanı hám bul imkaniyatlar menen sharayatlardan taraw wákilleri nátiyjeli paydalanıwı zárúr ekenligi aytıp ótildi.