Ózbekstan Respublikası Prezidenti basshılıǵında 2024-jıldıń 16-dekabr kúni «Bank xızmetleri arqalı máhállelerde kámbaǵallıqtı qısqartıwda 2025-jıl ushın tiykarǵı rejeler» boyınsha ótkeriligen videoselektor májilisinde bir qatar wazıypalar belgilep berilgen edi.

Belgilep berilgen wazıypalardıń orınlanıwın támiyinlew maqsetinde Taxtakópir rayonında «Joybarlar yarmarkası» shólkemlestirildi. Ilajǵa rayon xákiminiń birinshi orınbasarı B.Allamuratov, AKB «Agro bank» rayonlıq filialı wákilleri, hákim járdemshileri hám isbilermenlik penen shuǵıllanıwdı qálewshi puqaralar qatnastı.

Qatnasıwshılarǵa tiyisli taraw qánigeleri tárepinen isbilermenlikke baylanıslı Nızamshılıqtaǵı sońǵı ɵzgerisler hám jańadan qabıl etilgen húkimetlik kararlardıń mazmun-mánisi, jeńillikler hám bir qatar qolaylıqlar túsinedirildi.