#Yarmarka

Búgin Taxtakópir rayonlıq Kambaǵallıqtı qısqartıw hám bántlikke kómeklesiw bólimi hám de AKB «Agro bank» rayonlıq filialı tárepinen rayonlıq Mádeniyat orayında bos jumıs orınları ushın «Miynet yarmarkası» hám «Joybarlar yarmarkası» shólkemlestirildi.

Ilajǵa rayon xákiminiń birinshi orınbasarı B.Allamuratov, tiyisli taraw basshıları, rayondaǵı 29 mekeme hám kárxanalardiń wákilleri, sonday-aq, isbilermenlik penen shuǵıllanıw niyetindegi jaslar, hayal-qızlar hám sırtqı migraciyada jumıs islewdi qálewshi puqaralar qatnastı.

Ótkerilgen ilajǵa qatnasqan 47 jumıssız puqaralardan 11 puqaraǵa Kambaǵallıqtı qısqartıw hám bántlikke kómeklesiw bólimi tárepinen jumısqa jaylastırıw ushın jollamalar berildi hám bul puqaralardan 6 puqara turaqlı jumısqa jaylastırılıp bántligi támiyinlendi. Sonday-aq, qalǵan 36 puqaralarǵa miynet múnásibetlerine baylanıslı huqıqıy másláhátler berildi.

Taxtakópir rayonı hákimliginiń málimleme xızmeti