3-sanlı mektepte ádebiy ushırasıw keshesi ótkerildi

Taxtakópir rayonlıq Mektepke shekemgi hám mektep bilimlendiriw bólimine qaraslı 3-sanlı mektepte Ózbekstan hám Qaraqalpaqstan Jazıwshılar awqamı aǵzası, shayır Baxıtlı Sarıbaev penen ádebiy ushırasıw keshesi bolıp ótti.

Ilajda shayır Baxıtlı Sarıbaev sózge shıǵıp, mektep oqıwshılarına óziniń ómir jolı hám dóretiwshiligi haqqında aytıp berdi. Dóretiwshilikke qumar oqıtıwshı hám oqıwshı-jaslar ózlerin qızıqtırǵan sorawlarına juwaplar aldı.

Bunnan soń mektep oqıwshıları shayırdıń qáleminen dóretilgen qosıqların kórkemlep oqıp, qosıq hám ayaq oyınların sheberlik penen atqardı.

Ushırasıw juwmaǵında shayır mektep kitapxanasına óziniń «Tuwısqan», «Shańaraq», «Shımbay soqpaqları» atlı kitapların sawǵa etti.

Taxtakópir rayonı hákimliginiń málimleme xızmeti