Kóshpeli sud májilisi bolıp ótti

Búgin Taxtakópir rayonı «Taxtakópir» posyolka puqaralar jıyını imaratında Jınayat isleri boyınsha Taxtakópir rayonı sudı baslıǵı O.Maulenov basshılıǵında kóshpeli sud májilisi bolıp ótti.

Májilis kún tártibinde Taxtakópir rayonı Ishki isler bólimi JQX Probaciya toparı esabında jaza ótep atırǵan 8 puqara jaza ótew tártip-qaǵıydalarına jaqsı múnásebette bolıp islegen jınayatına pushaymanlıǵın itibarǵa alıp, Ózbekstan Respublikası Jınayat Kodeksiniń 73-statyasına tiykar múddetinen aldın shártli azat etildi.

Sud májilisi sońında sud baslıǵı tárepinen puqaralar arasında huqıqbuzarlıqlar hám jınayatlardıń aldın alıw boyınsha huqıqıy túsinikler berildi.

Taxtakópir rayonı hákimliginiń málimleme xızmeti