Xalıqtıń múrájatları hámde mashqalaları menen islesiw jaǵdayların talıqlaw

Ózbekstan Respublikası Prezidentiniń Taxtakópir rayonındaǵı Xalıq qabıllawxanasınıń  2024 jıl  dawamında shekem múrájatlar analiz etilgende Taxtakópir rayonı Virtual hámde Xalıq qabıllawxanası bazasına jámi 942 múrájat kelip túsken. Sonnan jámi qanaatlanǵan  442 (47,2%), túsinik 260, huquqıy túsinik 210, uzaq múddetli 5, biykar etilgen 4, kórmesten qaldırılǵan 5, toqtatılǵan 12, maǵlıwmat ushın 1, úyreniwde 3 múrájat.

1-sektordan jámi 180 múrájat túsken. Sonnan qanaatlanǵan 76 (42,7%), túsinik 56, huquqıy túsinik 40, uzaq múddetli 2, toqtatılǵan 2, biykar etilgen 1, kórmesten qaldırılǵan 2, úyreniwde 1 múrájat.

Máhálleler kesiminde Atakól APJda 57 múrájatdan 24 (42,1% qanaatlanǵan), Dawir MPJda 109 múrájatdan 43 (40,2% qanaatlanǵan), Janadarya APJda 14 múrájatdan 9 (64,3% qanaatlanǵan).

2-sektordan jámi 220 múrájat túsken. Sonnan qanaatlanǵan 107 (48,9%), túsinik 63, huquqıy túsinik 43, uzaq múddetli 2, toqtatılǵan 2, biykar etilgen 1, kórmesten qaldırılǵan 2.

Máhálleler kesiminde Aydın jol MPJda 123 múrájatdan 58 (47,5% qanaatlanǵan), Dawqara APJda 53 múrájatdan 27 (50,9% qanaatlanǵan), Qaratereń MPJda 31 múrájatdan 15 (48,4% qanaatlanǵan), Beltaw APJda 13 múrájatdan 7 (53,8% qanaatlanǵan).

3-sektordan jámi 251 múrájat túsken. Sonnan qanaatlanǵan 104 (41,9%), túsinik 76, huquqıy túsinik 61, uzaq múddetli 1, toqtatılǵan 5, kórmesten qaldırılǵan 1, maǵlıwmat ushın 1, úyreniwde 2 múrájat.

Máhálleler kesiminde Ǵárezsizlik MPJda 108 múrájatdan 41 (38,7% qanaatlanǵan), Ózbekstan MPJda 27 múrájatdan 16 (59,3% qanaatlanǵan), Qaraoy APJda 115 múrájatdan 47 (41,2% qanaatlanǵan), Marjankól MPJ 1 múrájatdan (0% qanaatlanǵan).

4-sektordan jámi 291 múrájat túsken. Sonnan qanaatlanǵan 154 (53,1%), túsinik 65, huquqıy túsinik 66, toqtatılǵan 3, biykar etilgen 2, úyreniwde 1 múrájat.

Máhálleler kesiminde Taxtakópir PPJda 199 múrájatdan 116 (58,6% qanaatlanǵan), Mulik APJda 25 múrájatdan 7 (28% qanaatlanǵan), A.Adilov APJda 40 múrájatdan 18 (45% qanaatlanǵan), Qońıratkól APJ 19 múrájatdan 7 (36,8% qanaatlanǵan),  Dawıtsay MPJ 6 múrájatdan 4 (66,7% qanaatlanǵan), Qostruba MKPJda 2 múrájatdan 2 (100% qanaatlanǵan).

Búgingi kúnde sektor basshıları tárepinen orınlarda máhállebay tárizinde kóshpeli qabıllawlar ótkeriliwiniń jolǵa qoyılıwı hámde hákim járdemshileri jumıslarınıń shólkemlestiriliwi nátiyjesinde xalıqtıń mashqalaların ornında sheshiliwinde óziniń unamlı nátiyjesin kórsetip, ayırım tarawlar kesiminde múrájatlar sanı kemeyiwine erisildi.

Atap aytqanda, 2023-jıl menen 2024-jıldı salıstırǵanda múrájatlar sanı mútájlerge bir mártelik materiallıq járdem máselesinde -52,4% (42/20), qánigeligi boyınsha jumıs penen támiyinlew máselesinde -33,3 payızǵa (33/22), emleniwge materiallıq járdem máselesinde -25% (20/15), turar jayın gaz tarmaǵına jalǵaw máselesinde -18,8% (16/13) kemeygen.

Sonıń menen bir qatarda ayırım máseleler boyınsha múrájatlar sanı ádewir dárejede ósip ketkenligin kórsetpekte.

Atap aytqanda:

– qamsızlandırıw shıǵınların qaplaw boyınsha múrájatlar sanı 800% (1/9);

– mayıplılıqtı belgilew boyınsha múrájatlar sanı 300% (2/8);

– internet tarmaǵında aldawshılıq, urlıq hám basqada nızam buzıwshılıq  máselesinde 225% (4/13);

-jasaw úylerin suw tarmaǵına jalǵaw máselesinde 220% (5/16);

-jasaw shárayatların jaqsılaw, úy-jayın ońlaw hámde qurıw ushın járdem máselesindegi múrájatlar sanı 142,4% (59/143);

-elektr tarmaqları obektlerin qurıw, ońlaw, ózgertiw máselesinde múrájatlar sanı 120% (5/11);

– kadastr hújjetlerin rásmiylestiriw boyınsha múrájatlar sanı 114,3% (7/15);

-18-jasqa shekemgi balalar napaqası máselesinde múrájatlar sanı 100 % (38/76) kóbeygen.

Tiyisli mekemeler tárepinen múrájatlardı aqırına shekem sheshiw ilajın kórmey atırǵanlıǵı, nızam talaplarına qatań ámel etpey atırǵanlıǵı puqaralar tárepinen tákirarıy múrájatlardıń kóbeyiwine sebep bolmaqta.

Múrájatlardı úyreniwde mekeme, kárxana hámde shólkemlerdiń ózlerine túsken murájatlar analiz qılınǵanda (4-qosımshada):

-rayonlıq Xalıq banki bólimi 8 máseleden 2 másele qanaatlanǵan (25%).

-rayonlıq shańaraq hám hayal-qızlar 18 máseleden 6 másele qanaatlanǵan (33,3%).

-rayonlıq salıq inspekciyasına 6 máseleden 2 másele qanaatlanǵan (33,3%).

-máhálleler awqamı rayonlıq bólimine 72 máseleden 24 másele qanaatlanǵan (33,3%),

-rayon ishki isler bólimine 87 máseleden 33 másele qanaatlanǵan (38%),

-rayonlıq májbúriy orınlaw bólimine 55 máseleden 22 másele qanaatlanǵan (40%),

-rayonlıq gaz tarmaqları bólimine 21 máseleden 10 másele qanaatlanǵan (47%),

-byudjetten tısqarı pensiya jamǵarması rayonlıq bólimine 4 máseleden 2 másele qanaatlanǵan (50%),

-rayonlıq suw tarmaqları bólimine 34 máseleden 19 másele qanaatlanǵan (55,8%),

-rayon prokuraturasına 37 máseleden 21 másele qanaatlanǵan (56,7%),

-rayonlıq kámbaǵallıqtı qısqartıw hám bántlik bólimine 97 máseleden 57 másele qanaatlanǵan (58,7%),

-rayonlıq medicina birlespesine 19 máseleden 13 másele qanaatlanǵan (68,4%),

-«Insan» sociallıq xızmetler orayına 29 máseleden 20 másele qanaatlanǵan (69%),

Xalıq qabıllawxanası tárepinen múrájatlar menen islesiwde hámde xalıqtıń múrájatların kórip shıǵıw boyınsha úyreniwlerde, mekeme, kárxana hámde shólkemlerge 26 usınıs (sonnan múrájatların kórip shıǵıw qáte-kemshiliklerge jol qoyǵan shaxslarǵa 2 shaxsqa hákimshilik juwapkershilikke, 1 shaxsqa intizamiy jaza qollanıldı, 10 shaxsqa intizamiy jazaǵa tartılıwı boyınsha qatań eskertiw berildi) hámde 24 kórsetpe kiritildi.

2024-jıl dawamında sektorlar tárepinen  tastıyıqlanǵan grafik boyınsha 329 kóshpeli qabıllaw ótkeriliw kerek bolsa, hámme kóshpeli qabıllawlar ótkerilgen.

Kóshpeli qabıllawlarda puqaralardan 761 máseleler kelip tústi, múrájat 72,5% qanaatlandırıldı, 87 máselelerge huqıqıy túsinikler berildi, 106 máselelerge túsinikler berildi hám 59 másele úyreniwde.

Sonnan, 1-sektorda 201 máseleden 138 qanaatlanǵan (73,4%), 2-sektorda 182 máseleden 120 qanaatlanǵan (73,2%), 3-sektorda 155 máseleden 135 qanaatlanǵan (88,8%), 4-sektorda 223 máseleden 116 qanaatlanǵan (58,6%).

Usı mashqalalar tiykarında hár bir tiyisli lawazımlı shaxslar esabatın hár sherek juwmaǵı menen talıqlap barıw, esabatların esitiw hám dodalaw, xalıqtıń mashqalaları hám múrájatlarındaǵı kemshiliklerdi saplastırıw hámde lawazımlı shaxslardıń juwapkershiligin asırıwǵa qaratılǵan zárúr is-ilajlar alıp barıladı.

Ózbekstan Respublikası Prezidentiniń Taxtakópir
rayonındaǵı Xalıq qabıllawxanası baslıǵı
A.Djumaniyazov