Búgin Taxtakópir rayonı Mádeniyat orayında rayonlıq sektor baslıqlarınıń jaslar menen ashıq sáwbetlesiw tárizinde ushırasıwı bolıp ótti.
Ushırasıwǵa rayonımızdaǵı sport, mádeniyat, kórkem-óner, isbilermenlik hám basqa da tarawlarda jetiskenliklerge erisip kiyatırǵan hám de jámlespegen jaslar qatnastı.


Onda rayon hákimi J.Adilov sózge shıǵıp, húrmetli Prezidentimizdiń tikkeley basshılıǵında jaslarǵa qaratılıp atırǵan ayrıqsha itibar, olardı qollap-quwatlaw, talant hám uqıplılıǵın júzege shıǵarıw mámleketlik siyasat dárejesine kóterilgeni, hár bir jastıń mashqalaların sheshiw jolında bar imkaniyatlar jumsalıp atırǵanlıǵın atap ótti.


Ilaj dawamında jaslar da ózleriniń mashqala hám usınısları menen bólisip, qızıqtırǵan sorawlarına juwaplar aldı. Sonday-aq, taraw basshıları tárepinen anıqlanǵan barlıq mashqala, kemshiliklerdi sheshiwdiń zárúr ilajları hám olardı ámelge asırıw múddetleri belgilep alındı.

Taxtakópir rayonı hákimliginiń málimleme xızmeti