Arnawlı-taktikalıq oqıw shınıǵıwı ótkerildi

Taxtakópir rayonı «Dáwqara» APJ aymaǵında «Qutırıw» keselliginiń kelip shıǵıwı hám tarqalıwınıń aldın alıw, bunday jaǵdaylarda háreket etiwshi mámleketlik diziminiń aymaqlıq tómengi tarmaǵı, rayonlıq buwınına kiriwshi xızmetkerleri menen birgelikte arnawlı-taktikalıq oqıw shınıǵıwı ótkerildi.

Oqıw shınıǵıwı dawamında bul keselliktiń tarqalıwınıń aldın alıw, haywanlardan jábirlengen puqaralarǵa antirabik medicinalıq járdem kórsetiw, iytlerdi kesellikke qarsı emlew, epizootologlar hám de epidemiologlardıń birgeliktegi háreketlerin shólkemlestiriw, qarawsız haywanlardı tutıw jumısları ámeliyatda kórsetip berildi.

Arnawlı taktikalıq oqıw shınıǵıwın ótkeriwden maqset,  rayon aymaǵında epidemik hám epizootik jaǵdaylardıń turaqlılıǵın támiyinlew, qutırıw keselligi menen baylanıslı júz beriwi múmkin bolǵan ayrıqsha jaǵdaylardıń aldın alıw bolıp tabıladı.