“Jas qutqarıwshı” áskeriy sport jarısınıń Taxtakópir rayonlıq basqıshı ótkerildi

Jaslardı watansúyiwshilik ruwxında tárbiyalaw, salamat turmıs tárizin úgit-násiyatlaw hám de qutqarıw xızmetine qızıqtırıw maqsetinde “Jas qutqarıwshı” áskeriy sport jarısınıń Taxtakópir rayonlıq basqıshı ótkerildi.

Rayon hákimligi, Ayrıqsha jaǵdaylar bólimi, Mektepke shekemgi hám mektep bilimlendiriw bólimi hám de Jaslar isleri agentligi menen birgelikte shólkemlestirilgen sport jarısınıń rayonlıq basqıshına ulıwma bilim beriw mekteplerinen jámi 20 komanda qatnasıp, tańlaw nızamında kórsetilgen shártler boyınsha óz-ara bellesti.

Ótkerilgen jarıs juwmaǵı boyınsha:

1-orındı – 3-sanlı mektep;

2-orındı – 13-sanlı mektep;

3-orındı – 2-sanlı mekteptiń komandası iyeledi hám shólkemlestiriwshiler tárepinen diplom hám de bahalı sawǵalar menen sıylıqlandı.

Sonday-aq, 1-orındı iyelegen 3-sanlı mektep komandası “Jas qutqarıwshı” áskeriy sport jarısınıń Qaraqalpaqstan Respublikası basqıshına qatnasıw ushın jollamanı qolǵa kirgizdi.