Taxtakópir rayonında ámelge asırılıp atırǵan jańa reformalar hám isbilermenlik obektlerine ǵalaba xabar quralları wákilleriniń qatnasıwında media-tur shólkemlestirildi.
        
Media-tur qatnasıwshıları dáslep, «Ǵárezsizlik» MPJ aymaǵındaǵı «Doslıq gúzarı» kóshesi boyında shólkemlestirilip, atırǵan dem alıw parkı hám 24 saat dawamında xızmet kórsetiwshi gostranomiyalıq kóshe qurılısı menen tanıstı hám dáslepki maǵlıwmatlarǵa iye boldı.

Media-tur qatnasıwshılarınıń ekinshi mánzili «Taxtakópir» posyolka puqaralar jıyını aymaǵındaǵı zamanagóy kóriniste qurılıs jumısları alıp barılıp atırǵan «Jaslar orayı» imaratı boldı.

Jaslar orayı imaratınıń qurılıs jumısları ushın 5 mlrd. 321 mln.swm qarjı ajıratılǵan bolıp, búgingi kúnde qurılısshı «REVERSTROY» juwapkershiligi sheklengen jámiyeti tárepinen qurılıs jumısları ámelge asırılmaqta.

Bunnan keyin media-tur qatnasıwshıları rayondaǵı «Atakól» APJ aymaǵınan shólkemlestirilgen Boyan tamırın qayta islewshi «WONDER ORGANICS» JShJ kárxanasında bolıp, kárxananıń iskerligi menen jaqınnan tanıstı.


Búgingi kúnde kárxana 15 puqaranıń bántligi támiyinlengen bolıp, tiykarınan óz ónimlerin Polsha, Mısr hám Myanma sıyaqlı mámleketlerge eksport etip kelmekte. Sonday-aq, Singapur, Tayvan hám Germaniya mámleketlerine eksport etiw boyınsha shártnamalar dúziwge eristi.


Media-tur qatnasıwshıları ilaj dawamında qánigelerden ózlerin qızıqtırǵan sorawlarǵa juwap aldı.

Taxtakópir rayonı hákimliginiń málimleme xızmeti