#Kóshpeli_qabıllaw

Búgin Taxtakópir rayonı «Aydın jol» mákan puqaralar jıyını aymaǵındaǵı 2-sanlı mektepte Qaraqalpaqstan Respublikası prokurorınıń orınbasarı B.Nawrızbaev basshılıǵında kóshpeli qabıllaw ótkerildi.

Oǵan Taxtakópir rayonı prokurorı R.Jalelov, rayondaǵı Xalıq qabıllawxanası baslıǵı A.Djumaniyazov hám tiyisli mákeme, shólkem basshıları qatnastı.

Qabıllaw dawamında puqaralar jumıssızlıq, ishki jol, elektr energiyası, ishimlik suw máselesi, bank krediti hám basqa da túrli turmıslıq mashqalaları menen múrájat etti.

Puqaralardıń múrájatlarınan ayırımları sol orınnıń ózinde sheshilgen bolsa, úyrenip shıǵılıwı ushın waqıt talap etetuǵın múrájatlar boyınsha juwapkerlerge anıq tapsırmalar berildi.