Búgin Taxtakópir rayonı hákimliginiń májilisler zalında Xalıq deputatları Taxtakópir rayonlıq Keńesiniń gezektegi jetinshi sessiyası bolıp ótti.

Sessiya jumısına siyasiy partiyalar, rayondaǵı mákeme, kárxana, shólkem basshıları hám jergilikli ǵalaba xabar quralları wákilleri qatnastı.

Sessiyanı Xalıq deputatları Taxtakópir rayonlıq Keńesi baslıǵınıń orınbasarı T.Jusipov alıp bardı.

Sessiya kún tártibine muwapıq tómendegi máseleler qarap shıǵıldı.

1. Taxtakópir rayonında aymaqlardı rawajlandırıwdı jánede jedellestiriw hám xalıq bántligin támiyinlew boyınsha islep shıǵılǵan “drayver” joybarlarınan nátiyjeli paydalanıw boyınsha ilajlar baǵdarlaması haqqında.
2. Taxtakópir rayonı jergilikli byudjetiniń 2024-jıl dawamında orınlanıwı boyınsha hám de rayonlıq jergilikli byudjetiniń 2025-jıl 1-yanvar jaǵdayına anıqlanǵan erkin qaldıq esabınan ajıratılatuǵın qarjılar.
3. Puqaralar jıyınları baslıqları saylawına tayarlıq kóriw hám ótkeriwge kómeklesiw haqqında.
4. Ózbekstan Respublikasınıń 2024-jıl 5-avgusttaǵı “Ózbasımshalıq penen iyelep alınǵan jer uchastkalarına hámde olarda qurılǵan imaratlar menen obektlerge bolǵan huqıqlardı tán alıw haqqında”ǵı ÓRQ-937-sanlı Nızamnıń orınlanıwınıń Taxtakópir rayonında támiyinlew ilajları.
5. Xalıq deputatları Taxtakópir rayonlıq Keńesi sekretariatınıń ishki miynet tártibi qaǵıydaların tastıyıqlaw.
6. Ózbekstan Respublikası Oliy Majlisi Senatı Keńesiniń 2024-jıl 11-dekabrdegi “Xalıq deputatları wálayat, rayonlıq hám qalalıq Keńesleri tárepinen nızamlardı kórip shıǵıw hám dodalaw tuwrısındaǵı úlgi rejeni tastıyıqlaw haqqında”ǵı KQ-19-V-sanlı qararınıń orınlanıwın támiyinlew.
7. Ózbekstan Respublikası Oliy Majlisi Senatınıń 2024-jıl 26-iyun kúngi KQ-769-IV-sanlı qararı haqqında.
8. Xalıq deputatları rayonlıq Keńesi janında ekspert toparın shólkemlestiriw.
9. Ózbekstan Respublikası Oliy Majlisi Senatı Keńesiniń 2025-jıl 28-yanvar “Xalıq deputatları wálayat, rayonlıq, qalalıq Keńesi tárepinen Keńes sorawın, jergilikli Keńes deputatı tárepinen deputat sorawın jiberiw tártibin tastıyıqlaw haqqında”ǵı KQ-53-V-sanlı qararı haqqında.
10. Xalıq deputatları rayonlıq Keńesi sessiyalarında aymaqlıq mámleketlik uyımlar hám shólkemler lawazımlı shaxslarınıń esabatların (málimlemelerin) tıńlaw tártibin tastıyıqlaw.
11. Ózbekstan Respublikası Oliy Majlisi Senatı Keńesiniń 2025-jıl “Xalıq deputatları wálayatlıq, rayonlıq hám qalalıq Keńesiniń qararları joybarların islep shıǵıw hám olardı huqıqıy ekspertizadan ótkeriw tártibin tastıyıqlaw haqqında”ǵı KQ-55-V-sanlı qararı haqqında.
12. 2024-jıl dawamında “Baslamalı byudjet” processi jámiyetshilik pikiri tiykarında qaliplesken ilajlar boyınsha ámelge asırılǵan jumıslar.
13. Jańa jumıs orınların shólkemlestiriw hám xalıq bántligin támiyinlew baǵdarlaması boyınsha 2024-jıl dawamında Taxtakópir rayonı Kámbaǵallıqtı qısqartıw hám bántlikke kómeklesiw bólimi tárepinen ámelge asırılǵan jumıslar.
14. Taxtakópir rayonı erkin qaldıq bólegi esabınan qarjı ajıratıw haqqındaǵı máseleler kórip shıǵıldı.

Sessiya kún tártibindegi máseleler boyınsha deputatlar ózleriniń pikir hám usınısların bildirdi. Soń kórilgen máseleler boyınsha Xalıq deputatları Taxtakópir rayonlıq Keńesi tárepinen tiyisli sheshimler qabıl etildi.

Taxtakópir rayonı hákimliginiń málimleme xızmeti