Ózbekstan Respublikası Prezidentiniń 2022-jıl 6-iyundaǵı PQ-268-sanlı qararına tiykar, rayon hákimlikleri hár ayda keminde bir márte sport mekteplerinde hám olardıń sport obektlerinde jáne dene tárbiya, sport orayları hám klublarında «Ashıq esikler» kúnlerin shólkemlestiriwdi dástúrge aylandırıw belgilengen.

Usı múnasibet penen búgin Taxtakópir rayonı Sport mektebinde rayon hákimi orınbasarı Sh.Bekturǵanov hám Sport mektebi direktorı B.Jarımbetov penen birgelikte sport mektebiniń trener-oqıtıwshıları, sportshı jaslar hám de ulıwma orta bilim beriw mektebi oqıwshıları menen birgelikte «Ashıq esikler» kúni ótkerildi.

Ilaj dawamında 2025-jıl fevral ayında bolıp ótken sporttıń «Qol urısı» hám «Ushu sanda» túrlerinen Ózbekstan chempionatında orın alǵan sportshı jaslardı qutlıqlap, aldaǵı waqıtları bolıp ótetuǵın Aziya hám Jahan chempionat hám kuboglerinde qatnasıp sıylı orınlardı iyelewlerine tilekles ekenligin bildirdi.