Sırtqı migraciyadaǵı jaslardıń mashqalaları aralıqtan úyrenildi

Taxtakópir rayonındaǵı sektor baslıqları tárepinen shet ellerde bilim alıp atırǵan hám jumıs islep atırǵan jaslar menen sociallıq tarmaq arqalı sáwbetlesiw alıp barılıp, olardıń mashqalaları aralıqtan úyrenildi.

Sáwbetlesiw dawamında rayon hákimi J.Adilov, rayonda jaslarımızdıń bántligin támiyinlewde jaratılıp atırǵan imkániyatlar haqqında sóz etip, qızıǵıwshılıǵı tiykarında isbilermenlikti baslaw niyetindegilerdi qollap-quwatlaw, jeńilletilgen kreditlerdiń ajıratılıwı hám taǵı basqada dáramat tabıw derekleriniń qolaylıqları boyınsha keń túrde túsinikler berip ótti.

Sonday-aq, jaslarımızdıń mamanlıǵı tiykarında házirgi kúnde rayon aymaǵında jaratılǵan bos jumıs orınları haqqında maǵlıwmatlar berildi. Onlayn tárizde ótkerilgen sáwbetke 15 jasımız qatnasıp, olardıń máseleleri tolıq úyrenildi.

Taxtakópir rayonı hákimliginiń málimleme xızmeti