#Kóshpeli_qabıllaw

Búgin Taxtakópir rayonı hákimi J.Adilov, rayondaǵı Xalıq qabıllawxanası baslıǵı A.Djumaniyazov penen birgelikte 1-sektorǵa qaraslı «Dawıtsay» mákan puqaralar jıyını aymaǵındaǵı 16-sanlı mektepte aymaq turǵınları menen ushırasıp, olardıń múrájatların, pikir hám usınısların tıńlaw maqsetinde gezektegi kóshpeli qabıllawın ótkerdi.

Qabıllaw dawamında aymaq turǵınlarınıń túrli tarawlarǵa baylanıslı mashqalaları menen birge pikir hám usınısları tıńlandı. Qabıllaw juwmaǵında kelip túsken múrájatlardı belgilengen múddetlerde úyrenip shıǵıw hám orınlanıwın támiyinlew boyınsha tiyisli juwapkerlerge tapsırmalar berilip, qadaǵalawǵa alındı.