Múddetli áskeriy xızmetke shaqırılıwshılardı shıǵarıp salıw ilajları baslandı

«Ózbekstan Respublikası puqaralarınıń múddetli áskeriy xızmetke gezektegi shaqırıwı hám belgilengen xızmet múddetin ótep bolǵan múddetli áskeriy xızmetkerlerdi Qurallı Kúshler rezervine bosatıw haqqında»ǵı Prezident qararına tiykarlanıp orınlarda shaqırıw jasındaǵı puqaralardı milliy armiyamız qatarlarına saltanatlı shıǵarıp salıw máresimleri baslandı.

Usı jıldıń 4-mart kúni Respublikamız boylap orınlardaǵı jıyın punktlerinde márt jigitlerdi múddetli áskeriy xızmetke shıǵarıp salıwdıń dáslepki máresimleri bolıp ótti.

Sonıń menen bir qatarda, Taxtakópir rayonınan 4 márt azamatlar Boranbaev Elbrus, Berdimuratov Aydos, Alauаtdinov Qanat hám Omarov Muhammedler óz azamatlıq minnetin atqarıw ushın Mámleketlik qáwipsizlik xızmeti shegara áskerleri qatarına saltanatlı túrde shıǵarıp salındı.

Saltanatlı shıǵıp salıw ilajına mámleketlik hám jámiyetlik shólkemlerdiń wákilleri qatnastı.