Taxtakópir rayonında Nawrız ulıwma xalıqlıq bayramı ótkeriliwi belgilengen orınlarda arnawlı-taktikalıq oqıw shınıǵıwları ótkerildi

Taxtakópir rayonında Nawrız ulıwma xalıqlıq bayramı ótkeriliwi belgilengen Sport mektebi imaratı maydanshasında tiyisli xızmetler menen birgelikte arnawlı-taktikalıq oqıw shınıǵıwları ótkerildi.

Ilajda rayon hákiminiń orınbasarı P.Ernazarov sózge shıǵıp, oqıw shınıǵıwınıń maqseti hám wazıypaları haqqında túsinik berdi.

Bunnan soń, rayonlıq Ayrıqsha jaǵdaylar bólimi menen birge islesiwshi tiyisli xızmetlerdiń ayrıqsha jaǵdaylar júz bergendegi háreketleri sınaqtan ótkerildi.

Bunday arnawlı-taktikalıq oqıw shınıǵıwlardı ótkeriwden tiykarǵı maqset bayram ilajları dawamında júz beriwi múmkin bolǵan ayrıqsha jaǵdaylardıń aldın alıw hám júzege kelgen jaǵdaylarda birge islesiwshi xızmetlerdiń anıq wazıypaların belgilep beriw bolıp tabıladı.

Taxtakópir rayonı hákimliginiń málimleme xızmeti