Bunnan soń,  rayon hákimliginiń májilisler zalında Qaraqalpaqstan Respublikası Joqarǵı Keńesindegi ÓzXDP frakciyası hám Xalıq deputatları Taxtakópir rayonlıq Keńesindegi ÓzXDP deputatlıq toparınıń qospa májilisi ótkerildi.

Jıynalıstı Qaraqalpaqstan Respublikası Joqarǵı Keńesindegi partiya frakciyası  baslıǵı X.Eshimbetov basqarıp bardı.

Jıynalıs kún tártibinde  “Ózbekstan Respublikası Prezidentiniń 2024-jıl 23-sentyabrdegi PP-143-sanlı Pármanı hám PP-330-sanlı “Kámbaǵallıqtan abadanlıqqa qaray” baǵdarlamasın ámelge asırıw boyınsha birinshi gezektegi ilajlar haqqında”ǵı qararınıń Taxtakópir rayonında orınlanıw barısı qarap shıǵıldı.

Taxtakópir rayonındaǵı eń awır jaǵdaydaǵı 5 máhálle yaǵnıy, “Jańadárya” APJ, “Dawqara” APJ, “Qaratereń” MPJ, “Qońıratkól” APJ hámde “Múlik” APJ da 2024-2025-jılı usı máhállelerde qıytaq jerlerdi suwǵarıwdı jaqsılaw yamasa olarda elektr energiyasınıń turaqlı jetkerip beriliwin támiyinlew, internet sapasın arttırıw, ishki jollardı ońlaw hám jaqsılaw maqsetinde hár bir máhálle ushın 2 mlrd 950 mln.swm ulıwma 5 máhállege jámi 14 mlrd. 750 mln.swm qarjı ajratıw belgilengen.

Jıynalısta usı máhálle basshıları tárepinen bul baǵdarda ámelge asırılǵan jumıslar barısı boyınsha esabatları tıńlandı.

Jıynalısta frakciya aǵzaları hám rayonlıq keńes deputatları tárepinen “Kambaǵallıqtan abadanlastırıwǵa qaray” baǵdarlaması sheńberinde taraw basshılarına berilgen sorawlar boyınsha pikir-usınıslar bildirildi.

Bunnan soń, májlis kún tártibindegi másele boyınsha tiyisli qarar qabıl etildi.