Taxtakópir rayonı «Ózbekstan» mákan puqaralar jıyınında rayondı sociallıq-ekonomikalıq jaqtan rawajlandırıw, xalıqqa múnásip turmıs sharayatın jaratıw, puqaralardıń bántligin támiyinlew hám jańa jumıs orınların jaratıw máseleleri, sonday- aq “Qıytaq jer mádeniyatı, qıytaq jerden nátiyjeli paydalanıw hám dáramat tabıw” atamasında seminar bolıp ótti.

Onda rayon hákiminiń tiyisli orınbasarları, máhálle baslıǵıları hám máhálledegi hákim járdemshileri qatnastı.

Seminarda Húrmetli Prezidentimiz tárepinen jaratılǵan imkaniyatlar bir qansha usı múmkinshiliklerden nátiyjeli paydalanıp, xalıqtıń bántligin támiyinlew, jańa jumıs orınların jaratıw, puqaralardıń ózin-ózi bánt etiwine kómeklesiw, úy sharayatında hám qıytaq jerden nátiyjeli paydalanıp dáramat alıw, bunda máhálle jetiligi sisteması imkaniyatlarınan keń túrde paydalanıw hám basqa da áhmiyetli máseleler atap ótildi.

Bunnan soń, jasıl mákan ulıwma milliy joybarı sheńberinde «Dáwqara» awıl puqaralar jıyını aymaǵınan baǵ jaratıw maksetinde tańlap alınǵan maydanǵa miywe terek nállerin egiw jumısları ámelge asırıldı.