Búgin Taxtakópir rayonı hákimliginiń májilisler zalında Xalıq deputatları Taxtakópir rayonlıq Keńesiniń gezektegi segizinshi sessiyası bolıp ótti.

Sessiya jumısına rayon hákiminiń orınbasarları, siyasiy partiyalar, rayondaǵı mákeme, kárxana, shólkem basshıları hám jergilikli ǵalaba xabar quralları wákilleri qatnastı.

Sessiyanı Taxtakópir rayonı hákimi – Xalıq deputatları rayonlıq Keńesi baslıǵı J.Adilov alıp bardı.

Sessiya kún tártibine muwapıq tómendegi máseleler qarap shıǵıldı.

1. 2025-jılda rayonda «Hayallar dápteri»niń qáliplestiriliwi hám dápterge kiritilgen hayal-qızlarǵa kórsetilip atırǵan materiallıq, medicinalıq, huqıqıy járdemler, olardıń bántligin támiyinlew boyınsha ámelge asırılǵan jumıslar haqqında.

2. Jámiyetshilik pikiri tiykarında “Puqaralar baslamalı qorı” esabınan qarjı ajıratıw haqqında.

3. Taxtakópir rayonı ishki isler bólimi baslıǵı orınbasarınıń «2025-jıldıń
2 ayı dawamında rayon aymaǵında jınayatshılıqqa qarsı gúresiw, jámiyetlik tártipti saqlaw hám puqaralardıń qáwipsizligin támiyinlewde alıp barılǵan jumısları haqqında»ǵı esabatı.

4. Taxtakópir rayonı Еkologiya, qorshaǵan ortalıqtı qorǵaw hám ıqlım ózgeriwi bólimi tárepinen 2024-jıl dawamında ámelge asırılǵan jumısları haqqında.

5. Ózbekstan Respublikası Jaslar isleri agentligi Taxtakópir rayonlıq bólimi tárepinen 2025-jıl I sheregi dawamında aymaqlardagı jaslar mashqalaların úyrenip shıǵıp, xatlaw nátiyjeleri hám olarǵa kórsetilip atırǵan ámeliy járdemler haqqında.

6. Taxtakópir rayonındaǵı fermer xojalıqları, klasterler hám basqada suw tutınıwshılarına 2025-jıl vegetaciya dáwirinde ajratılǵan suw limiti hám haqıyqıy alınatuǵın suw múǵdarın tastıyıqlaw haqqında.

7. Taxtakópir rayonlıq jergilikli byudjetiniń erkin qaldıq bólegi esabınan qarjı ajıratıw haqqında.

8. Shólkemlestiriw máseleleri kórip shıǵıldı.

Sessiya kún tártibindegi máseleler boyınsha deputatlar ózleriniń pikir hám usınısların bildirdi. Soń kórilgen máseleler boyınsha Xalıq deputatları Taxtakópir rayonlıq Keńesi tárepinen tiyisli sheshimler qabıl etildi.

Taxtakópir rayonı hákimliginiń málimleme xızmeti